Издательский дом Редакция Подписка
Погода в Якутске: . 11 oC
КУРС ЦБ: $ 72,86 | 88,65

Ил Түмэҥҥэ “Биир ньыгыл Арассыыйа” баартыйа фракциятын салайааччыта, парламент вице-спикера Антонина Григорьева 2021 сыл тохсунньу ыйыттан саҕалаан норуот дьокутааттара үтүө үгэскэ кубулуйбут баҕа өттүнэн (волонтерскай) хамсааһыннарга көхтөөхтүк кытталларын туһунан кэпсээбит.

Ил Түмэҥҥэ “Биир ньыгыл Арассыыйа” баартыйа фракциятын салайааччыта, парламент вице-спикера Антонина Григорьева 2021 сыл тохсунньу ыйыттан саҕалаан норуот дьокутааттара үтүө үгэскэ кубулуйбут баҕа өттүнэн (волонтерскай) хамсааһыннарга көхтөөхтүк кытталларын туһунан кэпсээбит.

Норуот дьокутаата Руслан Федотов быйыл баһаартан эмсэҕэлээбит Хаҥалас улууһун “Бөртө” хаһаайыстыбатыгар 3 тыраахтары атыылаһалларыгар суһаллык көмөлөспүт.

Парламентарий Дмитрий Семенов өрөспүүбүлүкэтээҕи 3-с №-дээх балыыһаҕа call-киин эпэрээтэринэн үлэлээбит.

Норуот дьокутааттара Мария Христофорова, Дмитрий Семенов, Иван Андреев уонна Валерий Лютый Николаевтар диэн элбэх оҕолоох дьиэ кэргэн таас чоҕунан хааччыллалларыгар көмөлөспүттэр.

Дьокутаат Любовь Явловская COVID-19 ыарыыны утары охсуһа сылдьан суорума суолламмыт эмчиттэргэ өйдөбүнньүк бэлиэ туруоруутун туруорсубута. Онуоха тохсунньу ыйтан Дьокуускай дьаһалтатын кытта өйдөбүнньүк бэлиэ турар сирин чопчулуур үлэ саҕаламмыт. Билиҥҥитэ бүтүн өрөспүүбүлүкэ үрдүнэн бэлиэ эскииһигэр, халыыбыгар, о.д.а. бэлэмнэнии үлэлэригэр баҕа өттүнэн харчы хомуйуута бара турар.

“Дьокутааттар баҕа өттүнэн көмөлөрүн хайысхатын салгыы кэҥэтиэхпит. Эмчиттэри тиэйиигэ-таһыыга, аһынан-үөлүнэн хааччыйыыга, эми-тому кэмигэр аҕалыыга, бэтэрээннэргэ уонна онкологическай ыарыылаахтарга бастакы суолталаах табаары тиэрдиигэ көмө ситимин быһыахпыт суоҕа”, – диэн вице-спикер Антонина Григорьева эппит.

СӨ Ил Дарханын уонна Бырабыыталыстыбатын пресс-сулууспатын матырыйаалынан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ