“Көннөрүүнү ылынар түгэннэригэр пуонда үбүнэн дьиэни-уоту тутар, бырайыактыыр эбэтэр атыылаһан ылар кыах үөскүөхтээх. Бу көннөрүү өрөспүүбүлүкэ бары олохтоохторугар табыгастаах. Биһиги көҕүлээһиммитин Арассыыйа кэккэ субъектара номнуо өйөөтүлэр”, – диэн Ил Түмэн спикера Петр Гоголев иһитиннэрдэ.
Бу боппуруоһунан Ил Түмэн Бэрэссэдээтэлэ Петр Гоголев уонна парламент тутууга сис кэмитиэтин бэрэссэдээтэлэ Яков Ефимов кулун тутар 23 күнүгэр ДьУоХХ пуондатын судаарыстыбаннай корпорациятын бырабылыанньатын бэрэссэдээтэлин Константин Цицинины кытта көрүстүлэр. Маны таһынан парламентарийдар Госдума дьиэ-уот хомунаалынай хаһаайыстыба бэлиитикэтигэр сис кэмитиэтин бэрэссэдээтэлин Галина Хованскайаны кытта көрсүөхтээхтэр.
Петр Васильев: “Бары биир сүбэнэн Ил Түмэн көҕүлээһинин олоххо киллэриэхпитин сөп”, – диэн эрэллээҕин биллэрдэ. Кини “Ил Түмэни Татарстан парламенын бэрэстэбиитэллэрэ өйөөбүттэрэ” диэн бэлиэтээтэ.
Ил Түмэн пресс-сулууспатын матырыйаалынан.
Саргылаана Яковлева хаартыскаҕа түһэриилэрэ.
- 0
- 0
- 0
- 0
- 0
- 0