Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Түмэн тыа сиригэр уонна аграрнай бэлиитикэҕэ, Аартыка дьыалаларыгар, итиэннэ экэниэмикэҕэ, инвестицияҕа уонна бырамыысыланнаска сис кэмитиэттэрэ кыттыһан, Аартыка эҥээр улуустарга бородууктаны таһыы кыһалҕаларын туһунан кэпсэттилэр.

Ил Түмэн тыа сиригэр уонна аграрнай бэлиитикэҕэ, Аартыка дьыалаларыгар, итиэннэ экэниэмикэҕэ, инвестицияҕа уонна бырамыысыланнаска сис кэмитиэттэрэ кыттыһан, Аартыка эҥээр улуустарга бородууктаны таһыы кыһалҕаларын туһунан кэпсэттилэр.

Тыа хаһаайыстыбатын миниистирин солбуйааччы Прокопий Николаев, тырааныспар миниистирин солбуйааччы Семен Коркин дакылааттарын истэн баран, хоту дойду туһугар ис сүрэҕиттэн ыалдьар уонна кыһаллар Елена Голомарева Аартыка түөлбэтигэр киирсэр 12 улууһу аһынан хааччыйар “Якутоптторг” тэрилтэ генеральнай дириэктэриттэн ыйытта: "Оҕуруот аһын, фруктаны эҥин тоҕо тиэйбэккит?".

Николай Николаевич Алексеев, быраактык быһыытынан, бэркэ быһаарда:

--СӨ Бырабыыталыстыбатын сорудаҕынан, быйыл аан бастакыбытын 12 арктическай улуус туох баар нэһилиэнньэлээх пуунун барытын кэрийдибит. Онон тустаах нэһилиэккэ балаһыанньа хайдаҕын бэркэ биллибит. Этэргит курдук, фрукта, оҕуруот аһа илдьэр буоллахпытына, биһиэхэ дэриэбинэ аайы 2 контейнер уонна рефконтейнер наада. Билигин аһаҕас халлаан анныгар харайабыт. Оннук, дьиҥэр, буруйу оҥоруу тэҥэ буоллаҕа дии. Дьон-сэргэ сөптөөх усулуобуйаҕа хараллыбыт аһы-үөлү сиэхтээҕэ чуолкай. Биһиги ааҕарбытынан, ити кыһалҕаны быһаарарга 90 көннөрү уонна 50 рефрижераторнай контейнер наада. Сууматыгар таһаардахха, 46 мөл. солк. буолар.

Аны, үгүс бөһүөлэккэ бэкээринэ диэн суох. Сайын суол быһыннаҕына, букатын да килиэбэ суох хаалаллар. Бэйэлэрэ астаналлар. Сэбиэскэй кэминээҕи оһохтор өрөмүөннэнэр туруктара суох. Онон “Восход-3” диэн оһохтору ылан туруортуохха баара. 250 тыс. солк. сыаналаахтар. Айанын ороскуотун эптэххэ, быһа холоон, 350 тыһ. солк. буолуо. 26 мөл. солк. харчыны көрөллөрө эбитэ буоллар, килиэп кыһалҕата быһаарыллыа этэ.

Уунан табаары таһар барыстааҕын билэбит. Ол иһин өрүс түгэҕин дириҥэтиигэ үлэни күүскэ ыыталлара буоллар. Итиэннэ көтөр аал  былаһааккаларын саҥардыыга.

db61ed1a 477a 4893 8c3e c54e07163441

Елена Голомарева: "Былаһааккалары тоҕо өрөмүөннээн испэттэрий?"

Семен Коркин, тырааныспар миниистирин солбуйааччы:

--Өрөспүүбүлүкэ үрдүнэн барыта 130 түһэр-көтөр былаһаакка баар. 2006  сыллаахха үп көрүллэн, чөлүгэр түһэрэр үлэ баран испитэ. Онтон 2012 с. ол бырагыраамабыт үбүлэммэт буолбута. Онон билигин тохтоон турар. 12 арктическай улууска барыта 52 авиа-былаһаакка үлэлиир. 42 үлэтин тохтоппута. 32 букатын симэлийбитэ. 10 өрөмүөннэниэхтээх.

7ede1b91 a467 47ca b7f5 51aa4f46b775

4ed129cf 8632 47d8 aadb 14e8f13ca326

Иван Данилов, дьокутаат: "Урут сэбиэскэй саҕана норматив диэн баара. Холобура, хас оройуон аайы булгуччу бачча туонна хортуоппуйу тиксэриэхтээхпит диэн. Билигин оннук баар дуо?"

--Оннук билиҥҥи ирдэбилгэ түбэһэр суох. Научнай үлэһиттэр методикатын оҥоруохтарын наада бастаан.

Евгений Кожухов, дьокутаат:

--Хотугу муоралар суолларынан тиэйии баар дуо?

Семен Коркин, тырааныспар миниистирин солбуйааччы:

--Суох, онон бородууктаны таспаттар. Ньиэби уонна таас чоҕу эрэ.

35cc3354 bbdf 47a2 b41b 5b068e7fd694

Михаил Никифоров, СӨ Бырабыыталыстыбатын Бэрэссэдээтэлин солбуйааччы:

-- Биһиги өрөспүүбүлүкэбит РФ Уһук Илини уонна Аартыканы сайыннарар министиэристибэтин кытта ыкса ситимнээхтик үлэлиирэ. Ону бу сыллаахха А.В. Крутиков тохтоон, Алексей Чекунков диэн саҥа миниистир ананна. Хамаандата барыта уларыйда. Ол иһин билигин хаттаан саҥа структуралары кытта үлэлэһэ сылдьабыт. “Якутоптторг”  хоту туох баар нэһилиэнньэлээх пууну кэрийбитэ улахан ситиһии. Урукку өттүгэр маннык сырыы-айан суоҕа. Онон салалта туох-ханныгын билэ олоробут.

Судаарыстыба 10 бырыһыан эрэ хааччыйар, онтон атын 90 %-нын урбаанньыттар уйуналлар диигит. “Якутоптторг” социальнай суолталаах эрэ бородууктаны бигэргэтиллибит испииһэгинэн тиэрдэр. Онтон атыны кэмэрсээннэр аҕалаллар. Урбаан министиэристибэтэ чааһынайдары өйүүр.

71047a35 b81a 4fbc 8591 124a6c7b5bf3

Максим Прокопьев, СӨ Урбааҥҥа, атыыга-эргиэҥҥэ уонна туризмҥа миниистирин солбуйааччы.

--Хотугу 13 улууска 700-тэн тахса урбаанньыт ас-үөл биисинэһинэн дьарыктанар. Кинилэргэ үс хайысханан субсидия көрөр соруктаахпыт: 1. Хомунаалынай төлөбүргэ (гараас, дьиэ-уот ититиитэ, уота). 2. Сибээс төлөбүрэ (суотабайдарыгар интэриниэттэрэ). 3. Тырааныспар (массыына уларсыыта, уматык). Онуоха 144 мөл. солк. көрүллүөн наада. Ити ороскуоттарын аҥаара эрэ. 250 тыһ. солкуобайдаах бэкээринэ туһунан кэпсэттилэр. Биһиэхэ элбэх бырагыраама баар. Бэйэ дьарыгын саҕалааччыларга 500 тыс. солк. тиийэ көмө биэрэбит. Ол да харчытынан тэриниэхтэрин сөп дии. Итинтэн да атын өйөбүл үгүс.

Түмүккэ контейнердары туруоруу, аһы харайыы, өрүс суолун дириҥэтэн биэрэр үлэни ыытыы, бэкээринэлэр боппуруостарын салалта уонна дьокутааттар өссө үөрэтэн көрөллөрүгэр эттилэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением