Пленарнай мунньах сүрүн түгэннэрин кытта урутаан билиһиннэрдэххэ, өрөспүүбүлүкэ парламена Татьяна Дмитриевна Егорова норуот дьокутаатын быһыытынан боломуочуйатын бигэргэтиэ.
Салгыы норуот дьокутааттара Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы эбээһинэстэрин толорооччу Дмитрий Викторович Бердниковы дуоһунаһыгар бигэргэтэргэ тустаах быһаарыныы ылыныахтара. Ону тэҥэ вице-премьер бастакы солбуйааччытын дуоһунаһыгар Дмитрий Дмитриевич Садовников, хотугу аҕыйах ахсаннаах төрүт омуктар бырааптарын боломуочуйалааҕын дуоһунаһыгар Константин Васильевич Роббек кандидатураларын көрүөхтэрэ. Бу иннинэ хандьыдааттары сис кэмитиэттэр мунньахтарыгар тургутан көрбүттэрэ.
Маны сэргэ, пленарнай мунньах кэмигэр Саха Өрөспүүбүлүкэтин Ис дьыалаҕа уорганнарын уонна Саха сиригэр киһи быраабын боломуочуйалааҕын 2020 сыллаах үлэлэрин отчуоттарын истиэхтэрэ. Ону тэҥэ өрөспүүбүлүкэ 2019 сыллаах сокуону оҥорууга үлэтин туһунан дакылааты, 2020 сылга судаарыстыбаннай баайы-дуолу кэтэх бас билиигэ биэрии (приватизация) үлэ түмүктэрин кытта билсиэхтэрэ.
Мунньах кэмигэр парламентскай истиилэргэ, “төгүрүк остуолларга” ылыныллыбыт быһаарыныылары, Ил Түмэн үлэтин регламенын, федеральнай сокуон барылларын, РФ субъектарын парламеннарын сокуону оҥорууга көҕүлээһиннэрин, о.д.а. боппуруостары ырытыахтара, көрүөхтэрэ.
-
0
-
0
-
0
-
0
-
0
-
0
