Саха сиригэр 2019 сылтан ыла "Пааматынньыктары харыстыаҕыҥ диэн аахсыйа олохтоммута. Сыала-соруга: култуурунай нэһилиэстибэ эбийиэктэрин тэрилтэлэр, урбаанньыттар, биирдиилээн дьон көмөлөрүнэн чөлүгэр түһэрии. Бастакы холобуру Ил Дархан Айсен Сергеевич уонна кэргэнэ Людмила Валерьевна Николаевтар көрдөрбүттэрэ. Кинилэр бэйэлэрин үптэригэр Чөркөөх мусуойугар баар үктэтии миэлиҥсэни “Уран” дизайн-устуудьуйанан өрөмүөннэппиттэрэ. 1932 сыллаах тутуу билигин оробуочай туруктаах турара үөрдэр. Күн бүгүн оҕуһу туруоран хаамтардахха, бурдугу тардыбытынан киирэн барыаҕа.

Былырыын ити үтүө үгэһи РФ Нолуокка сулууспатын Саха сиринээҕи салаата салҕаабыта. Эмиэ “Утум” дизайн-устуудьуйа уустарынан 2,5 ый устата оҥорторон, 1867 сыллаахха тутуллубут аҕыс кырыылаах мас ураһа саҥатыгар түспүтэ.

   Оттон быйыл Виктор Лебедев салайар “Саханефтегазсбыт” тэрилтэтэ Дэлбэрийбит алааска Былатыан Ойуунускай үөрэммит оскуолатын реставрациялыырга сөбүлэҥ түһэристилэр.