-- Салайар үлэҕэ чахчы буспут-хаппыт, билиилээх-көрүүлээх салайааччы, Алексей Ильич Еремееев билиҥҥи уустук кэмҥэ Ил Түмэн Бэрэссэдээтэлинэн  саамай сөпкө талылынна.  Алексей Ильич тыа сириттэн тахсыбыт киһи. Тыа сирин олоҕун-дьаһаҕын үчүгэйдик билэр-көрөр. Ол иһин буолуо, Нам улууһун дьоно кинини үчүгэйдик билэллэр, убаастыыллар. Кини Ил Түмэҥҥэ дьокутаатынан үлэлээн, бэлиитикэ ис-дьиҥин үчүгэйдик ымпыгыр-чымпыгар диэри билэр. Кини биир үчүгэй хаачыстыбатынан барытын сатаан анаалыстаан ырытан, сыныйан көрөр ураты дьоҕурдааҕа буолар. Манна биири өйдүөххэ наада. Ил Түмэн бэйэтэ тутуһар бэлиитикэлээх буолуохтаах. Ону Алексей Ильич кыайа тутан үлэлиэ диэн эрэнэбин. Аны туран, кини саха уонна нууччалыы тылларынан холкутук, ыраастык саҥарар кыахтаах. Онон хайа баҕарар федеральнай таһымҥа Сахабыт сирин сайдарын туһугар күүскэ ылсан үлэлиэ диэн бүк эрэллээхпин. Түгэнинэн туһанан,  парламент дьокутааттарыгар ис сүрэхпиттэн дьоһуннаах киһини талбыккытынан махтанабын! Эн-мин дэһиспэккэ, таһаарыылаахтык бары биир санаанан салайтаран, үлэлииргитигэр баҕарабын!