2020 сылга пуонда дохуота 38 млрд. 247 мөл. 461 тыһ. солк. тэҥнэспит. Ити 2019 сылтан 6,9 %-нан элбэх. Сыл түмүгүнэн, 38 млрд. 256 мөл. 951 тыһ. солк. ороскуоттаммыт. Ол эбэтэр ороскуот 2 млрд. 513 мөл. 48 тыһ. солк. улааппыт (7 %). Пуонда үбэ сүрүннээн амбулаторнай эмтээһиҥҥэ (74,4 %), ыарыыны эмтээһиҥҥэ (65,3 %) уонна суһал көмөҕө (106,6 %) ороскуоттаммыт. Сыл түмүгүнэн, 149 207 киһи балыыһаҕа эмтэммит, ол иһигэр 7 185 киһи искэн ыарыылаах киирэн сыппыт.
Норуот дьокутаата Мария Христофорова пуонда итэҕэс үбүн толорууга туох үлэ барарын ыйытта. Елена Борисова: “Саха сиригэр Уһук Илиҥҥи субъектартан аан бастакынан мэдиссиинэ үлэһиттэрин хамнастарын төлөбүрүн саҥа систиэмэтэ киирдэ. Онон бу үлэ салҕанан бардаҕына, пуонда дэписиитин уонна ороскуотун уларытар кыах үөскүөҕэ”, – диэн хоруйдаата.
Роза Солнышкина, Иван Данилов уонна Елена Голомарева улуустарга каадыр боппуруоһугар тохтоотулар. Норуот дьокутааттара боппуруоһу көрөн баран, бүтэһиктээх ааҕыыга ылыннылар.
- 0
- 0
- 0
- 0
- 0
- 0