Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

Ил Түмэн “Биир ньыгыл Арассыыйа” фракциятын чилиэннэрэ Дьокуускай куорат төрөппүттэрин кэмитиэттэрин бэрэстэбиитэллэрин, үөрэх кыһаларын Сэбиэтин салайааччыларын кытта оскуолалар үөрэх дьылыгар төһө бэлэмнээхтэрин бэрэбиэркэлээтилэр.

Ил Түмэн “Биир ньыгыл Арассыыйа” фракциятын чилиэннэрэ Дьокуускай куорат төрөппүттэрин кэмитиэттэрин бэрэстэбиитэллэрин, үөрэх кыһаларын Сэбиэтин салайааччыларын кытта оскуолалар үөрэх дьылыгар төһө бэлэмнээхтэрин бэрэбиэркэлээтилэр.

Маннык уопсастыбаннай көрүүгэ-истиигэ сүрүн болҕомто өрөмүөн хаачыстыбатыгар, оскуола матырыйаалынай-тиэхиньиичэскэй кыаҕар, үөрэнээччи аһылыгар, остолобуойдар оборудованиенан, спорт саалалар эрчиллэр инвентарынан, бибилэтиэкэлэр  кинигэлэринэн, кылаастар учуобунньуктарынан, кэлэктиип каадырдарынан, кэбиниэттэр миэбэлинэн төһө хааччыллыылаахтарыгар, Интэриниэт ситимигэр, территорияны көҕөрдүүгэ, пришкольнай учаастактар үлэлэригэр, оҕолор сэрэхтээх буолууларыгар, суолу туоруур бэлиэлэргэ, светофорга ууруллар.

габышвеа проверкалыыр

Ол курдук, норуот дьокутааттара астыыр блоктары, үөрэнээччилэр аһыыр сирдэрин, спортивнай саалалары, кэбиниэттэри, пришкольнай учаастактары, о.д.а. кэрийэн көрдүлэр. Туох кыһалҕалаахтарын, ситиһиилээхтэрин, былааннаахтарын билистилэр.

Сүрүн кыһалҕалара диэн, оскуолалар кыараҕастара эбит. Ону кэҥэтиэхтэрин, матырыйаалынай базаларын бөҕөргөтүөхтэрин, хапытаалынай өрөмүөн ыытыахтарын, остолобуойдарын саҥардыахтарын, миэбэл ылыахтарын баҕаралларын эттилэр.

Үөрэх кыһаларынан барыта 22 дьокутаат сырытта: А.А.Григорьева, Г.Н.Алексеев, Ю.П.Баишев, С.М.Березин, Г.А.Васильев, Ф.В.Габышева, Е.Х.Голомарева, И.И.Данилов, Т.Д. Егорова, Р.К.Зорин, А.А.Кошуков, П.В.Ксенофонтов, В.А.Лютый, А.М. Находкин, П.П.Петров, Н.Л.Румянцева, М.С.Силкина, Д.А.Семенов, А.С.Слоик, В.Н.Федоров, Р.Е.Федотов, М.Н.Христофорова. 141 оскуоланы бэрэбиэркэлээтилэр. Ол аҥаардас Дьокуускайга эрэ буолбатах, сорохтор талыллыбыт уокуруктарын (Булуҥ, Горнай, Мэҥэ Хаҥалас, Нам, Нерюнгри, Ньурба, Сунтаар, Уус Алдан, Хаҥалас, о.д.а. оройуоннар) үөрэхтэрин кыһаларыгар сырыттылар.

Ыйбыт итэҕэстэрин көннөрбүттэрин бэрэбиэркэлии, дьокутааттар атырдьах ыйын 25-30 күннэригэр хаттаан кэрийиэхтэрэ.

Уопсастыбаннай приемка балаҕан ыйын 1 күнүгэр диэри буолуоҕа. Оттон Билии күнүгэр дьокутааттар үөрүүлээх линейкаларга кыттыахтара.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ