Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Куттал суох буолуу Сэбиэтин бастайааннай чилиэннэрин мунньаҕар РФ Президенэ Владимир Путин дойду олохтоохторугар туһулаан  муус устар 16 күнүгэр  сайабылыанньа  оҥорбута. 

Куттал суох буолуу Сэбиэтин бастайааннай чилиэннэрин мунньаҕар РФ Президенэ Владимир Путин дойду олохтоохторугар туһулаан  муус устар 16 күнүгэр  сайабылыанньа  оҥорбута. 

Видеосибээһинэн ыытыллыбыт мунньахха дойду Бырабыыталастыбатын бэрэссэдээтэлэ Михаил Мишустин, Федерация Сэбиэтин бэрэссэдээтэлэ Валентина Матвиенко, Госдума бэрэссэдээтэлэ Вячеслав Володин, Куттал суох буолуу Сэбиэтин бэрэссэдээтэли солбуйааччы Дмитрий Медведев, Президент дьаһалтатын салайааччыта Антон Вайно, Куттал суох буолуу Сэбиэтин сэкирэтээрэ Николай Патрушев, ИДьМ миниистирэ Владимир Колокольцев, Тас дьыалаларга миниистир Сергей Лавров, Оборуона миниистирэ Сергей Шойгу, Куттал суох буолуу федеральнай сулууспа директора  Александр Бортников, Тас дойдуну чинчийэн көрүү сулууспатын директора Сергей Нарышкин, Тырааныспар, экология буоппуруостарыгар уонна айылҕа харыстабылын үлэлэригэр Президент анал бэрэстиибэтэлэ Сергей Иванов кыттыыны ылбыттара.

* * *

В.Путин: "Ытыктабыллаах доҕоттор! 9 маай чугаһаата- бу бырааһынньык биһиги дойдубутугар, хас биирдии дьиэ кэргэнигэр ураты ытыктанар, ордук сүрүн күнүнэн буолар уонна буолуоҕа даҕаны. Билигин Арассыыйа бары олохтоохтуругар туһулаан этэниэбин. Быйыл Улуу Кыайыы 75 сылын туолар. Бу ытык күнү көрсө федеральнай таһымҥа уонна бары регионнарга бэлэмнэнии үлэлэрэ эрдэтинэ саҕаламмыттара. Бары билэргит курдук, Улуу Кыайыы тэрээһиннэригэр, омуннаабакка эттэххэ, аан дойду бары кыттыыны ылар. Кыайыы күнүгэр Аҕа дойдуну уонна Арассыыйаны, хас биирдии киһи олоҕун быыһыырга көмүскээбит дьоруойдары чиэстиибит, өйдөбүнньүк ытык иэспитин уурабыт. Кыайыылаахтар, бэтэрээннэр биһиэхэ үрдүк майгы таһымын киллэрдилэр, эрэллээх буолууну уонна итэҕэтиилэрин тиэртилэр. Бу сыаннастары биһиги кыһамньылаахтык харыстыыр уонна кэлэр көлүөнэҕэ иитэн таһаарар тустаахпыт. Биһиги Кыһыл Аармыйа байыастара өстөөҕү кытта охсуспуттарын, аҕаларбыт, ийэлэрбит, эбэлэрбит, эһэлэрбит уонна  сэбиэскэй норуот дойду инникитин, оҕолорун, аймахтарын, чугас дьоннорун тустарыгар сэриилэспиттэрин өйдүүр тустаахпыт. Кинилэр нацизмы, өлүүнү утары, олох туһугар сэриилэспиттэрэ. Бу барыта биһиги сүрүн сыаннаспыт. Маны барытын өйдүүр эбээһинэстээхпит. Бырааһынньык буолуор диэри ыйтан аҕыйах күн хаалла. 9 маай барыбытыгар ытыктанар уонна хас биирдии киһи олоҕор олус улахан сыаналаах.

Күн бүгүҥҥүттэн 9 маай сэлэлии хаамыытын бэлэмнэнии үлэлэрэ ыытыллыахтаах этилэр. Ол эрэн, эпидемия муҥутуур кэмэ ааһа  илик, ыарыы тарҕаныытын куттала үрдүк. Ол курдук билигин сэлэлии хаамыы бэлэмнэнии үлэлэрин уонна атын маассабай тэрээһиннэри ыытар быраабы миэхэ биэрбэт. Мантан сиэттэрэн, Оборуона миниистиргэр, күүс биэдэмистибэлэрин салайааччыларыгар, былаас уорганнарын бары таһымнарыгар Кыһыл болуоссакка Улуу Кыайыы күнүгэр анаммыт байыаннай сэлэлии хаамыы бэлэмнэниитин, дьон ортотугар ыытар маассабай тэрээһиннэр болдьоҕун уларытарга сорудахтыыбын.

Маны учуоттаан туран, мөлүйүөнүнэн дойду олохтоохторугар - Бүтүн Арассыыйатааҕы "Өлбөт мэҥэ полк" кыттыылаахтарыгар туһулаан этинэбин. Бэйэм дуоһунаспыттан ураты, сүрэҕим иэйиитинэн эһигитини кытта биир кэккэҕэ туран, хом санааҕытын үллэстэбин. Сыл ахсын ыйыллыбыт тэрээһиннэргэ көхтөөх кыттыыны ылабын. 9 маай  күнэ барыбытыгар Кыайыы күнэ буоларын өйдүүбүн. Бу бырааһынньык биһигини кытта мэлдьи баар суол. Бэтэрээннэр биһиги кыһамньыбытын уонна махталбытын өйдүүллэригэр бары күүспүтүн ууран туран туох тустаах тэрээһиннэри ыытыахпыт. Эрэнэбин, Кыайыы күнэ бу сылга мэлдьи буоларын курдук уопсастыбаны, норуоту, дойдуну түмүө, араас ыарахаттары туоруурга саҥа күүс биэриэ. Бүгүҥҥү кэмҥэ көрсүбүт тыҥааһыннаах кэми аһарардарга күһэйиэхпит, ол түмүгэр 9 маайга былааннаммыт тэрээһиннэрин үөрүүлээхтик тургутан ыытыах тустаахпыт. Биллэн турар, чахчытынан Кыайыы күнэ 2020 сылга тэриллэн ыытыллыа, эбиитин бу сыл дойду үрдүнэн Өйдөбүнньүк уонна Албан аат сылынан биллэриллибитэ буолар.  Сыл устата Кыһыл болуоссакка Москваҕа сүрүн сэлэлии байыаннай хаамыыны ыытыахпыт уонна  "Өлбөт мэҥэ полк" хаамыытын, биллэн турар, булгуччу тэрийиэхпит".

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ