Бүгүн Ил Дархан Айсен Николаев бу боппуруоска: «Ыытыллыбыт аукцион үгүс боппуруоһу көтөхтө. Барыта көнөтүк эриэ-дэхси буолбатах. Бырайыак бэрэбиэркэтин түмүгэ бэрдэ суох. Билигин итиннэ борокуратуура ылсан эрэр. Онон бэрэбиэркэ ыытыллар кэмигэр аукцион ыытыллара тохтуур. Аммаҕа маһы кэрдии ыытыллыбат», -- диэн иһитиннэрбитин Саха сирин дьоно олус сэргээтилэр, сөптөөх быһаарыы диэтилэр.
Маһы кэрдии бырайыага сыыһалардаах
Ойуур маһын туһаныыга Судаарыстыбаннай бэрэбиэркэ түмүгүнэн Амма сиригэр-уотугар маһы кэрдии бырайыагар кэккэ сыыһалар бааллара быһаарыллыбыт. Сүрүннэрин билиһиннэрэр буоллахха, ойуур хаһаайыстыбатын регламеныгар көннөрүүлэри киллэрэргэ аналлаах бирикээс тахсыбатах. Судаарыстыбаннай бас билии регистрациятын күнэ-дьыла ыйыллыбатах. Маһы кэрдиигэ аналлаах инфраструктураны оҥорууга сыыһалар-халтылар бааллар. Ол курдук, суол уонна бырасыакалар кэтиттэрэ сыыһа ыйыллыбыт уонна анал былакааттар, истиэндэлэр устуукалара хаһа биллибэт. Итини тэҥэ, учаастакка тутууну ыытарга аналлаах түһүмэх оҥоһуллубатах.
- 0
- 0
- 0
- 0
- 0
- 0