Издательский дом Редакция Подписка
Погода в Якутске: . -16 oC
КУРС ЦБ: $ 71,53 | 82,83

«Якутия», «Алроса», «Полярные авиалинии» үс авиахампанньа, «Аэропорт Якутск» АУ, «Якутуголь» ХК, «ОДьКХ» ГУП, «ЛОРП» ПАО, «Саханефтегазсбыт» АК, «АЛРОСА» АК (ПАУО) Арассыыйа экономикатыгар тутаах сыһыаннаах тэрилтэлэрин испииһэктэригэр киирдилэр.

«Якутия», «Алроса», «Полярные авиалинии» үс авиахампанньа, «Аэропорт Якутск» АУ, «Якутуголь» ХК, «ОДьКХ» ГУП, «ЛОРП» ПАО, «Саханефтегазсбыт» АК, «АЛРОСА» АК (ПАУО) Арассыыйа экономикатыгар тутаах сыһыаннаах тэрилтэлэрин испииһэктэригэр киирдилэр.

Тоҕус регион тэрилтэтэ Арассыыйа бөдөҥ стратегическай тэрилтэлэрин испииһэктэригэр киирдилэр. Төгүрүк сыл тырааныспар сырыыта суох, Арассыыйа бөдөҥ бырамыысыланнай кииннэриттэн ыраах турар, Уһук Хоту уонна онно тэҥнэммит сирдэр чопчу бу регионнааҕы тэрилтэлэртэн Саха Өрөспүүбүлүкэтин экономиката туруктаах буолуута, үлэ миэстэтин оннунан хаалларыыта, ас-үөл таһаҕастарын таһыыта уонна ыраах сытар оройуоннар олохторун-дьаһахтарын туруктара тутулуктанар.

“РФ Президенэ Владимир Путин сорудаҕынан, РФ Бырабыыталыстыбата туһааннаах тэрилтэлэр тиһиктэрин өйөөһүҥҥэ араас дьаһаллары ылынна”, - диэн Госдумаҕа бюджетка уонна нолуокка кэмитиэтин чилиэнэ Галина Данчикова тоһоҕолоон бэлиэтээтэ.

Бу дьаһаллар нолуок төлүүр болдьохтор анал усулуобуйаларын биитэр сиртэн хостонор баайы хостооһуҥҥа нолуоктан уонна акцизтартан ураты 2020 сылга нолуок төлүүр болдьохторун уларытарга ананар. Хампанньа дохуота 10% намтаабыт буоллаҕына, ураты услуобуйанан алта ый болдьохтонор. Онтон 50-тан тахса бырыһыан намтыыр түгэнигэр 5 сылга диэри уһатыллар.

Эргиир үбүн-харчытын өйүүр уонна үлэ миэстэлэрин оннунан хаалларар туһуттан Киин баан субсидияламмыт ыстаапкатынан кирэдьиит көрүллэр. Кирэдьиит ылар сүрүн усулуобуйатынан муҥутуур үлэ миэстэтинэн хааччыйыы буолар. Стратегическай суолталаах тэрилтэлэргэ монкурууттааһыҥҥа “мораторий” тарҕанар диэн парламентарий бэлиэтиир. Саха сиригэр үлэлиир бөдөҥ хампаанньалар испииһэктэригэр киирэллэр: «Сургутнефтегаз», «Колмар группа», «Мечел», «Роснефть «НК», «Газпром», уо.д.а.

Маны таһынан, Арассыыйа экономикатыгар тутаах сыһыаннаах билиниллибит тэрилтэлэринэн таһынан Саха сиригэр федеральнай өйөбүлгэ наадыйар тэрилтэлэр элбэхтэр. Кинилэр социальнай суолталаах сайыҥҥы кэмҥэ таһаҕаһы тиэйии уонна харайыы, дьону таһыы, уот уонна ититии энергиятын оҥорон таһаарыы өҥөлөрүн оҥороллор, суһал быыһыыр үлэлэри ыыталлар. Бу тэрилтэлэр испииһэктэрэ уонна судаарыстыбаннай көмө оҥорорго өрөспүүбүлүкэ этиилэрэ РФ Бырабыыталыстыбатыгар бэрилиннэ. “Бу кэмҥэ испииһэктээх тэрилтэлэргэ туох көмө оҥоһуллуохтааҕа чопчу быһаарылла илик, бу хайысхаҕа үлэ салгыы ыытыллар”, - диэн РФ Госдуматын дьокутаата Галина Данчикова эрэннэрдэ.

Комментарии (1)

This comment was minimized by the moderator on the site

Ипларга эмиэ кеме кууьуруен наада

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ