Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Муус устар 30 күнүгэр Саха сирин баһылыга Айсен Николаев өрөспүүбүлүкэ олохтоохторугар анал этии оҥордо. Коронавирус сыстыганнаах ыарыыта бэлиэтэммит куораттарын уонна оройуоннарын олохтоохторо, чараас мууска үктэнэрдии, бэйэлэрин олоҕор эрэ буолбакка, чугас дьоннорун, доҕотторун олоҕор кутталы үөскэтэллэрин бэлиэтээтэ. Онон итини өйдөөн, дьиэҕэ олоруу режимин кытаанахтык тутуһалларыгар дьону ыҥырда, диэн СИА иһитиннэрдэ.

Муус устар 30 күнүгэр Саха сирин баһылыга Айсен Николаев өрөспүүбүлүкэ олохтоохторугар анал этии оҥордо. Коронавирус сыстыганнаах ыарыыта бэлиэтэммит куораттарын уонна оройуоннарын олохтоохторо, чараас мууска үктэнэрдии, бэйэлэрин олоҕор эрэ буолбакка, чугас дьоннорун, доҕотторун олоҕор кутталы үөскэтэллэрин бэлиэтээтэ. Онон итини өйдөөн, дьиэҕэ олоруу режимин кытаанахтык тутуһалларыгар дьону ыҥырда, диэн СИА иһитиннэрдэ.

«Коронавирус сыстыганнаах ыарыыта тарҕаныытын уустук быһыытынан-майгытынан сибээстээн эһиэхэ этии оҥоробун. Бастатан туран, Дьокуускай куорат туһунан этэбин, ол эрээри ити ыарыыга сутуллуу түгэннэрэ бэлиэтэммит атын оройуоннары эмиэ таарыйар. Дойдубут президенэ Владимир Путин үрдэтиллибит бэлэмнээх буолуу режимин ыам ыйын 11 күнүгэр диэри уһатар туһунан быһаарыы ылынна. Бу күннэр биһиэхэ быһаарыылаах буолуохтара. Ыарахан сыананан ситиһиллибит түмүктэри тутан хаалыахпыт, эбэтэр, ыам ыйын бырааһынньыктарыгар уоскуйан, сыстыганнаах ыарыы эмискэ өрө туруутун таһаарыахпыт», — диэтэ Айсен Николаев.

Кини күннэтэ ыытар брифиннэригэр быһыы-майгы туһунан кэпсиирин бэлиэтээтэ. Суһал ыстаап суукканы эргиччи режиминэн иһитиннэриини тиэрдэ турар.

«Хомойуох иһин, мин көрөрбүнэн, ити ситэтэ суох. Ыҥырыылар, хааччахтааһыннар уонна ыстарааптар баалларын үрдүнэн, уулуссаҕа олус элбэх киһи тахсар. Доҕоттор, эһиги кутталы улаханнык ситэ сыаналаабаккыт. Эһиги дьон олоҕор кутталы үөскэтэҕит. Бэйэҕит чугас дьоҥҥут, ыалларгыт уонна доҕотторгут олоҕор. Быһыы-майгы күннэтэ уустугурар. Бу иннинэ хас саҥа ыарыһах биһиэхэ соһуччу түгэн эбит буоллаҕына, билигин күн аайы уонунан ыарыыга сыстыыны булабыт», — диэтэ Ил Дархан.

Кини коронавирустан номнуо үс киһи олоҕо быстыбытын санатта.

«Бу дьон дьарҕа буолбут ыарыылаахтар этэ, ол эрээри ити сыстыганнаах ыарыы суоҕа эбитэ буоллар, кинилэр өссө уһун сылларга олоруохтаах этилэр. Бу эһигини таарыйыа суоҕа диэн саныыргытын билэбин. Эһиги уһун кыһынтан сылайбыккыт. Маҕаһыыҥҥа таҕыстахха эбэтэр ыалдьыттыы бара сырыттахха, туох куһаҕан баар буолуой дии саныыгыт. Оҕолоргутун күүлэйдэтэ ыытаҕыт. Ол эрээри уулуссаҕа таҕыстаххыт аайы олус чараас, кэбирэх мууска үктэнэҕит», — диэтэ баһылык.

Айсен Николаев санаппытынан, коронавируска сутуллубут дьон 70% ордуга туох да биллэр сибикитэ суох ыалдьар, оттон тест ыарыыны 5-6-с күҥҥэ эрэ булар.

«Эһиги бэйэҕит ыарыыны илдьэ сылдьар буолуоххутун сөп. Кэнники биэс күҥҥэ төһө киһи эһиги аттыгытыгар түбэспитин ааҕан көрүҥ. Ким эрэ бу ыарыыттан сылтаан олохтон бардаҕына, бэйэҕитин бырастыы гыныаххыт дуо? Ол ханнык эрэ дьыала туһугар дьиэттэн тахсыбыккыт онно хоруйдуур дуо?» — диэн ыйытта кини. Бу түгэҥҥэ баһылык сорох ардыгар киһи сүүһүнэн атын дьону көрсөрүн санатта.

«Куоракка ыччаттар эрэ буолбакка, пенсионердар эмиэ күүлэйдииллэр. Өрөспүүбүлүкэ күнүгэр үгүстэр элбэх хампаанньаларынан шашлыкка таҕыстылар. Эһиэхэ туох күндүнүй? Шашлык эбэтэр доруобуйа уонна олох?» — диэн ыйытта Айсен Николаев.

Итини тэҥэ баһылык бэлиэтээбитинэн, үгүстүк маассабай тэрээһиннэр уонна параадтар, булт көҥүлүн итиэннэ оскуолаларга выпускной күннэр хайдах ааһыахтарын тустарынан ыйытыылары киниэхэ чаастатык биэрэллэрин эттэ.

«Ыам ыйыгар ханнык да маассабай тэрээһиннэр, биллэн турар, буолуохтара суоҕа. Ыам ыйын саҥатыгар дьон уулуссаҕа итинник холкутук тахсара салҕаннаҕына, олохпут этэҥҥэ буолуо суоҕа диэн куттанабын. Саас бүтэһик ыйын обсерваторга эбэтэр балыыһаҕа атаарыаххытын баҕарбат буоллаххытына, дьиэҕитигэр олоруҥ. Оттон тахсарга күһэлиннэххитинэ, мааска режимин тутуһуҥ. Мааскалар атыыга бааллар, ону бэйэ да тиктиэн сөп.   Бэйэ дьиэҕэ олоруутун режимэ – бу ыарыы тарҕаныытын тохтоторго соҕотох суол», — диэн түмүктээтэ Айсен Николаев.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ