--РФ Төрүт сокуонугар Бэрэсидьиэн Владимир Путин киллэрбит уларытыылара киириэхтээхтэрэ олох сокуона. Бу иннинэ куоластаан ылыммыт Конституциябыт 30-ча сыл үлэлээтэ. Билигин олохпут уларыйда: дойду иһинээҕи балаһыанньата, атын дойдулары кытта сыһыаннаһыыларбыт. Ол түмүгэр Төрүт сокуоҥҥа уларытыылар киирэллэрэ тоҕоостоох буолла. Мин социальнай блокка анаммыт уларытыылары сэргии иһиттим. Судаарыстыбаннай босуобуйалар, биэнсийэлэр сылга аҕыйаабыта биирдэ индексацияланаллар. Маны таһынан, РФ территорията бигэ буолара мэктиэлэнэр, дойду территориятыгар кэлтэччи орооһуу табыллыбат.  Парламент уонна былаас уорганнарын боломуочуйаларыгар уларыйыылар киирбэттэр. Арай судаарыстыбаннай сулууспалаахтар өттүлэригэр уларытыы баар – кинилэр РФ гражданиныттан атын дойду гражданиннара буолар кыахтара суох. 

Дойду бүттүүнүн куоластыыр күнүгэр “Сиэрдээх Арассыыйа” баартыйа чилиэннэрэ куоластыыр учаастактарга кэтээччилэринэн буолуохтара. Онон биһиги  фракциябыт сүрүн уларытыылары өйүүр.