Издательский дом Редакция Подписка
Погода в Якутске: . -0 oC
КУРС ЦБ: $ 73,96 | 86,68

Алданнааҕы биир мандааттаах быыбардыыр уокуруктан Ил Түмэн Судаарыстыбаннай Мунньаҕын дьокутаата Роза Солнышкина оройуоннааҕы ойуур баһаарын балаһыанньатын кытта билиһиннэрдэ.

Алданнааҕы биир мандааттаах быыбардыыр уокуруктан Ил Түмэн Судаарыстыбаннай Мунньаҕын дьокутаата Роза Солнышкина оройуоннааҕы ойуур баһаарын балаһыанньатын кытта билиһиннэрдэ.

«Бүгүҥҥү күҥҥэ Алдан оройуонугар балаһыанньа арыый да холку. Ойуур баһаарын туһунан ыксаллаах  иһитиннэриилэр киирбэтилэр. От ыйын 8 күнүгэр Алдан куорат аттынааҕы Тамарак даачалар кэпэрэтииптэрин аттыгар баһаар таҕыста. Кэлин Алдан оройуонун Улуу сэлиэнньэтин территориятыгар, федеральнай трасса устун, көлөһө покрышкатыттан уматык тахсыбыта бэлиэтэммитэ - бу киһи илиитинэн оҥоһуллубута биллибитэ. Ханнык сыаллаах-соруктаах уматык буолара биллибэт. Уматык тута миэстэтигэр, ааһан иһэр дьон дьаһалларынан, умуруорулунна», - диэн норуот дьокутаата Роза Солнышкина кэпсээтэ.

6c7f84bf98f6e55d20a5e5ff7efa22aa

Алдан куорат таһыгар «Тамарак» даачалар аттыгар тахсыбыт уот суох буолуутугар, кэккэ тэрилтэлэр доброволецтара кыттыылаах суһал дьаһаллар ылыллыбыттарын бэлиэтээтэ.Нэһилиэнньэ ортотугар ойуурга баһаартан куттал суох буолуу быраабылатынан сэрэтэр-өйдөтөр үлэлэр ыытыллыбыттарын тоһоҕолоон ыйда.

«Саха сирин үрдүнэн ойуур баһаарыттан ыксаллаах быһыы-майгы биллэриллэн, сэрэхтээх буоларбыт ирдэнэр. Биһиги, алданнар, айылҕа алдьархайа тахсыа суоҕа диэн эрэнэбит. Ол эрэн, буруо тарҕаныыта Алдан куоракка эмиэ бэлиэтэнэр», - диэтэ парламентарий.

Кини этэринэн, сэбиэскэй кэми кытта тэҥнээтэххэ, ойууру харыстыыр тэрилтэлэр ахсааннара кыччаан, ойуур баһаарын умуруорууга сэрэтэр тэрээһиннэрэ намтаабыттара көстөр. Ону сэргэ, тыа дьоно ходуһалары өртөөһүҥҥэ көҥүл биэрэллэрин баҕараллар - от-мас хатан, кууран, мунньуллан кутталы үөскэтэр.

b214d3bb2e

«Ойуур - биһиги баайбыт! Ойуур - биһиги өрөспүүбүлүкэбит эрэ буолбакка, аан дойду бүттүүнүн тыҥата. Норуот дьокутаата буоларым быһыытынан, Алдан уонна Амма оройуоннарыгар бырамыысыланнай мас кэрдиитин ыытыыны утарсыбытым. Биһиги бары бүттүүн оройуону уонна өрөспүүбүлүкэни кытта өрө турбуппут. Оттон билигин, ити ойуурдар, умайа тураллар. Нэһилиэнньэлээх пууннарга чугаһыан сөп. Бу сүрдээх кутталлаах уонна олус кыһыылаах-абалаах. Доброволецтарга барҕа махталбын тиэрдэбин, ол иһигэр, Алдан ыччаттыгар. Кинилэр чахчы көхтөөх гражданскай позицияларынан, биһиги дойдубут уонна өрөспүүбүлүкэбит чахчы дьиҥнээх патриоттара буолаллар", -  диэн Роза Солнышкина түмүктээтэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ