Издательский дом Редакция Подписка
Погода в Якутске: . -14 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Ытык Дьааҥы сиригэр Сылгыһыт Күнэ алгыһы түhэрииттэн саҕаланыаҕа

Мария Архипова хаартыскаҕа түhэриитэ. 2023 с. / ЯСИА/ Кэлэр ый саҕаланыытыгар ытык Дьааҥы сиригэр Аартыка эргимтэтигэр тыа хаhаайыстыбатын сайдыытын итиэннэ хоту сир тыйыс айылҕатыгар саха сылгытын үөрдээн иитиини сайыннарыы кэскилин торумнуур аҕыс улуус…
29.03.24 18:26

Уопсастыба

Сунтаартан “Алгыс” түмсүү ыалдьыттаата

Өлөөҥҥө Сунтаартан “Алгыс» диэн аҕам саастаах дьон ансаамбыла, 11 киһилээх дэлэгээссийэ ыалдьыттаан барда. Ыраахтан кэлбит ыалдьыттар бастаан “Алакуо” норуодунай этно-фольклор ансаамбыл кыттыылаахтарын кытары көрүстүлэр. Күн иккис аҥаарыгар ыалдьыттар…
29.03.24 18:50

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Түмэн Судаарыстыбаннай Мунньаҕын дьокутааттара бэлиитикэҕэ, экэниэмикэҕэ, уопсастыба олоҕор уонна, биллэн турар, сокуону оҥорууга ааһан эрэр сыл сүрүн түмүктэрин, саҥа дьыл иннинээҕи настарыанньаларын уонна кэлэр сыллааҕы баҕа санааларын кытта үллэстэллэр.

Ил Түмэн Судаарыстыбаннай Мунньаҕын дьокутааттара бэлиитикэҕэ, экэниэмикэҕэ, уопсастыба олоҕор уонна, биллэн турар, сокуону оҥорууга ааһан эрэр сыл сүрүн түмүктэрин, саҥа дьыл иннинээҕи настарыанньаларын уонна кэлэр сыллааҕы баҕа санааларын кытта үллэстэллэр.

Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин:

“Ааһан эрэр 2020 сыл, биллэн турар, барыбытыгар хамсыгы кытта ситимнээх буолла. Итинэн сиэттэрэн, бэйэ-бэйэҕэ харыстабыллаах сыһыан, кэтэх санаата суох көмөлөсүһүү, өйөһүү, өйдөһүү, аһыныгас, амарах санаалаах буолуу курдук сирдээҕи олохпут тирэх өйдөбүллэрэ инники күөҥҥэ таҕыстылар.

Үрүҥ халааттаах аанньалларбыт – эмчиттэр, кэнчээри ыччаппытын сырдыкка, билиигэ-көрүүгэ уһуйааччыларбыт – учууталлар, иитээччилэр үлэлэрэ хайдах курдук сыралааҕын уонна эппиэтинэстээҕин “эппитинэн-хааммытынан”, дьэ, биллибит, сыаналыы үөрэннибит.

“Куһаҕан үчүгэйдээх” диэбиккэ дылы, хамсык кэмигэр бүгүҥҥү олохпут балысхан тэхиньиичэскэй сайдыытын илэ көрдүбүт. Аныгы технологиялары үлэҕэ-хамнаска, күннээҕи олоххо-дьаһахха толору туһана үөрэннибит. Ол курдук, аныгы үйэҕэ киһи интэриниэтэ, сибээһэ суох олох сатаммат буолбут эбит.

Элбэх киһилээх тэрээһиннэр, үгүс түбүктээх быыстала суох араас дьаһаллар тохтотулланнар, ардыгар, “онто да суох олоруохха сөп эбит” диэн санааҕа кэлэр буоллубут. Хата, ол оннугар, сайынын элбэх саха ыала бэйэтин тиэргэнин иһигэр, урукку өттүгэр кыайан ситэрбэккэ турбут кыра-быстах үлэлэрин силигин ситэрдэ, тутуу бөҕөтүн ыытта, оҕуруот аһын дэлэйдик үүннэрэн хомуйда.

Тыа сирин олохтоохторун күннээҕи олоҕо-дьаһаҕа урукку сүнньүнэн устан иһэр. Ынах-сүөһү, сылгы көрүүтэ-истиитэ биир да өрөбүлү эрэйбэт, сынньалаҥы “бырастыы” гыммат үлэлэр буоллахтара.

Аны туран, бу 2020 сылы быһа Ил Дархаммыт А.С. Николаев көҕүлээһининэн кэлэр 2021 сылтан тыа хаһаайыстыбатын салаатыгар киириэхтээх саҥа өйөбүллэр, механизмнар тула элбэх аһаҕас кэпсэтии, ырытыһыы барда.

Биллэн турар, бары кэлэр 2021 сылтан үтүөнү, сырдыгы, ыра санааларбыт туолууларын күүтэбит, эрэнэбит. Эһиилги сыл илиҥҥи халандаарынан Үрүҥ Болгуо Оҕус сыла. Оттон оҕус саха дьонугар тымныыны эрэ кытта дьүөрэлэспэт. Кини биһиэхэ сымнаҕас, үлэһит, бүгүрү, хаһаайыстыбаҕа сүҥкэн туһалаах дьиэ кыылын быһыытынан биллэр. Онон, дьылбыт эмиэ ол сиэринэн барыа диэн бигэ эрэллээхпин.

Үүнэн эрэр саҥа сылга тыа хаһаайыстыбатын саҥа механизмнара бары хаһаайыстыбаларга уонна ыалларга улахан көдьүүстээх көмөлтө буолалларыгар, хамсыктан оҕустарбыт тэрилтэлэр урукку оннуларыгар түһэллэригэр, судаарыстыбабыт өйөбүллэрэ өссө элбээн уонна улаатан иһэллэригэр, дьоммут-сэргэбит уйгута тупсарыгар баҕарабын. Бары быр-бааччы байылыат олохтоох буолуҥ! Кэлэн иһэр Саҥа дьылынан!” – диэн Андрей Михайлович баҕа санаатын уонна эҕэрдэтин тиэрдэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением