Ытыктабыллаах Сахам сирин олохтоохторо!
Эhигини барыгытын кэлэн иhэр саргылаах Саҥа Дьылынан итиитик-истиҥник ис сүрэхпиттэн эҕэрдэлиибин.
2020 сыл бары эриэ-дэхси буолбата, үгүс күүтүллүбэтэх ураты быһыыга-майгыга ааһан эрэр. Бу ааспат, арахпат дьаҥ турбутугар бары биир сомоҕо буолан, саҥа технологиялары баһылаан үөрэх, үлэ улаханнык харгыстамматаҕын бэлиэтиибин. Кырдьык, ыарахаттар, мунаарыылар бааллара, ол эрээри салалта да, хас биирдии салайааччы уонна тустаах үлэһит суолу тобулан, хайысханы быһааран олох сүнньүн булан, былааннаммыт үлэ, үөрэх, кэккэ тэрээһиннэр ураты форматынан, көрүҥүнэн ыытылыннылар.
Улуу Кыайыы өрөгөйдөөх үбүлүөйүгэр аналлаах тэрээһиннэр да ыытыллан эйэлээх олох туһугар турууласпыт ытык дьоммут хорсун быһыыларын үйэтитэр, сырдатар, кэнчээри ыччакка кэпсиир араас көрүҥүнэн элбэх л дьаһал ыытылынна. Ону тэҥэ биир дойдулаахтарбыт Аан дойду, Россия да тыһымар араас күрэхтэргэ кыайыылара-хотуулара, ситиһиилэрэ сүргэбитин көтөхтүлэр.
Саҥа дьыл түүнүгэр ханнык баҕарар ыра санаа туолар дииллэр. Ол иһин оннооҕор улахан дьон бу күҥҥэ оҕо саастарыгар түһэн, ураты суолта биэрэллэр.

Саҥа Дьыл кимиэхэ барытыгар олус күүтүүлээх, дьикти бырааһынньык. Биһиги бары оҕолуун-уруулуун үүнэр сылтан үтүмэн үөрүүнү, дьолу уонна ил, эйэ эҥэрдээх нус-хас олоҕу күүтэбит. Ону таһынан Саҥа Дьыл түмүктэниитэ ааһар сылы төһө ситиһиилээхтик атааран эрэрбитин анаарар кэммит. Кэлэр сылга саҥа соруктары, былааннаары ыралыыр түгэммит.
Саҥа дьыл дьикти дьоллоох түгэнэ бука барыбыт сүрэҕэр ил гыннын!
Хас биирдии ыалга таптал уонна өйдөһүү баар буоллун, хас биирдии киһи чугас дьонун өйөбүлүгэр уонна истиҥ сыһыаныгар куустардын!
Чэгиэн-чэбдик буолуҥ, бэйэ-бэйэҕитигэр харыстабыллаахтык, болҕомтолоохтук сыһыаннаһыҥ!
Тус бэйэҕит, чугас дьоҥҥут, төрөөбүт дойдутун туһугар мэлдьи үтүөнү, ситиһиини ыралааҥ, баҕа санааҕыт хоту дьулуһун!