Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Уопсастыба

Табахтааһыны хааччахтыыр сокуон барыла киирдэ

Ил Түмэҥҥэ кулун тутар 26 күнүгэр «Саха Өрөспүүбүлүкэтин сиригэр-уотугар тустаах уопсастыбаннай сирдэргэ табаҕы, никотиннаах бородууксуйаны тардыыга эбии хааччаҕы олохтуур туһунан» сокуон барыла киллэрилиннэ. Сокуон барыла түөрт ыстатыйалаах, онтон бииригэр…
29.03.24 10:35

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Түмэн бэрэссэдээтэлэ Алексей Еремеев Нам улууһун баһылыга Юрий Слепцовы кытары вездеходунан сылдьан улуус арҕаа өттүгэр турбут ойуур баһаардарын кытары билистэ, умуруорууга үлэлии сылдьар дьону кытта көрүстэ.

Ил Түмэн бэрэссэдээтэлэ Алексей Еремеев Нам улууһун баһылыга Юрий Слепцовы кытары вездеходунан сылдьан улуус арҕаа өттүгэр турбут ойуур баһаардарын кытары билистэ, умуруорууга үлэлии сылдьар дьону кытта көрүстэ.

Сырыытын түмүгүнэн Алексей Еремеев Таастаах сэлиэнньэтин таһыгар буруо тарҕаммыта бэлиэтэнэрин, ол эрээри уот туочукалара Горнай улууһугар баалларын, Нам улууһун кыраныысатыттан 10-15 км сиргэ турбуттарын бэлиэтээбит. Бу сирдэргэ баһаар туруга ыксаллаах балаһыанна хамыыһыйатын хонтуруолугар сылдьарын туһунан эттэ.

Салбаҥ нэһилиэгэр ойуур баһаарын утары күүстээх үлэ барар. Умуруорууга үлэлии сылдьар дьон түөрт сиринэн базаларга сыталлар. Ааспыт нэдиэлэ бүтэһигэр ардах түһэн, баһаар күүһэ намыраабытын туһунан спикер кэпсээтэ. «Соторунан Нам улууһун сиригэр киирбит баһаар тарҕамматын туһуттан утары уоту ыытыахтара. Уот 3 тыһ. га сириннэ тарҕаммыт. Оттон Салбаҥ нэһилиэгин таһыгар турбут баһаар 106 тыһ. га сири ылбыт. Кураанах күннэр турдахтарына баһаардарга утары уоту ыытыахтара. Төһө да уустук балаһыанньа сатыылаабытын иһин, улууска турбут ойуур баһаардарын хонтуруолга туталлар», -- диэн Алексей Еремеев иһитиннэрдэ.

Ил Түмэн бэрэссэдээтэлэ ойуур баһаарын кытары охсуһа сылдьар дьону кытта көрсүһүүтүгэр, тырааныспартарыгар уонна утары уот ыыталларыгар туталларыгар уматык тиийбэтин бэлиэтээбиттэр. «Биһиги улуус баһылыгын кытары бу боппуруоһу быһаарыахпыт, сотору уматыктары тиэрдиэхтэрэ. Аһынан-үөлүнэн хааччыллыбыттар, манна кыһалҕа суох эбит. Көмө өрөспүүбүлүкэ, улуус суһал ыстааптарыттан эрэ буолбакка, волонтердартан кэлэ турар эбит», -- диэтэ Алексей Еремеев.

еремеев1

Ол курдук, ойуур баһаарын утары үлэҕэ олохтоох нэһилиэнньэттэн эрэ буолбакка, Дьокуускайтан тахсан уонна атын улуустартан кэлэн көмөлөһө сылдьар дьон элбэхтэр эбит. Ааспыт өрөбүллэргэ таджиктар диаспораларын бэрэстэбиитэллэрэ, үөрэх, экэниэмикэ министиэристибэлэр, Ил Дархан уонна бырабыыталыстыба, парламент автобазатын үлэһиттэрэ тахсан уоту умуруорууга көмөлөспүттэр.  

Ил Түмэн бэрэссэдээтэлэ Алексей Еремеев сырыытын түмүгэр Нам улууһун ыксаллаах быһыыга хамыыһыйатын мунньаҕын ыытта. Мунньахха сүрүн кыһалҕалары бэлиэтээннэр, салгыы үлэ былаанын оҥордулар. Салбаҥ нэһилиэгин дьаһалтата волонтердар сүрүннээн өрөбүллэргэ эрэ тахсалларын туһунан иһитиннэрбитигэр, үлэ күнүгэр баҕа өттүнэн тахсан көмөлөһөр дьону хомуйан таһаарарга сорук турда.

еремеев2

Ил Түмэн спикерэ РФ Бэрэсидьиэнэ Владимир Путин халыҥ сис ойуурдаах уонна аҕыйах нэһилиэнньэлээх эрэгэйиэннэр ойуурдарын харыстабылын боломуочуйатын федеральнай таһымҥа биэрэр туһунан этиитин өйүүрүн туһунан эттэ.  «Бу сөптөөх этии. Биһиги өрөспүүбүлүкэбит олус улахан территориялаах, бэйэбит күүспүтүнэн ойуур баһаардарын саба тутарбыт кыаллыбат. Федеральнай киинтэн көмө булгуччу наада. Биири өйдүөх тустаахпыт. Төһө да федеральнай киин тэрилтэтэ тэриллибитин иһин, үлэһиттэринэн олохтоох дьон буолаллар. Тэрилтэлэр күүстээх тиэхиньикэнэн уонна сөптөөх тэриллэринэн хааччыллыахтара», -- диэн кини быһаарда.

Сайын ойуур баһаарын кытта охсуһар дьон ахсаанын элбэтэр туһуттан бу салааны үбүлээһини улаатыннарыахха наадатын Алексей Еремеев бэлиэтээтэ. «Нам улууһугар “Якутлесресурс” филиалыгар 6 штат эрэ көрүллэр, сайын эбии 8 киһини эрэ ылар кыахтаахтар. Кинилэр сайын эбии 30-50 киһини ылар туһунан этиилээхтэр. Оройуоҥҥа баһаары умуорарга туһаныллар тиэхиньикэлэр наадалар», -- диэн эттэ.

Мунньахха киирбит этиилэри өрөспүүбүлүкэ таһымыгар көрөн баран, федеральнай киини кытары дьүүллэһэр наадатын бэлиэтээтилэр.

еремев3

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением