Издательский дом Редакция Подписка
Погода в Якутске: . -9 oC
КУРС ЦБ: $ 73,96 | 86,68

 Ил Түмэн дьокутаата Руслан Федотов сыллата оскуола боруогун аан бастаан атыллааччыларга үөрэх дьыла саҕаланыан иннинэ көмө оҥорор. Кини Болугур орто оскуолатыгар 100000 солкуобайы аныырын эттэ.

 Ил Түмэн дьокутаата Руслан Федотов сыллата оскуола боруогун аан бастаан атыллааччыларга үөрэх дьыла саҕаланыан иннинэ көмө оҥорор. Кини Болугур орто оскуолатыгар 100000 солкуобайы аныырын эттэ.

Амма улууһун үөрэҕин сайдыытыгар уонна учууталлары өйөөн көмө бүгүн Ил Түмэн дьокутаата Руслан Федотов туттарда. Көрсүһүүнү  улуус баһылыга Николай Архипов салайан ыытта. Хардарыта олорон кэпсэтиигэ улуустааҕы үөрэх управлениетын начальнига Юрий Шишигин  дьокутаакка саҥа үөрэх дьылыгар оскуолалар уонна уһуйааннар толору бэлэмнэрин, билиҥҥи туругунан үөрэх урукку үгэһинэн ыытыллаары былааннанарын, үөрэх эйгэтин үлэһиттэрэ  80-тан тахса бырыһыаннара быһыы ылбыттарын,  үөрэххэ киирии туругун, ону тэҥэ үөрэх саҥа дьылыгар бэлэмнэнии хайдах баран иһэрин кылгастык билиһиннэрдэ. Онтон Болугур орто оскуолатын директора Татьяна Иванова оскуола үлэтин-хамнаһын, ситиһиилэрин, кэлэр сылга оскуолалара 115 сылын туолуохтаах үбүлүөйүгэр бэлэмнэнии туһунан кэпсээтэ. Үбүлүөйгэ бэлэмнэнии биир хардыытынан Болугур оскуолатын үөрэнээччилэригэр анал дневник оҥоһуллубутун иһитиннэрдэ уонна биир экземплярын улуус баһылыгар туттарда.

2 фото

“Биһиги тэрилтэбит сыл аайы оскуолаҕа киирэр үөрэнээччилэргэ аналлаах набор биэрэр үгэстээхпит. Ол үгэспитин быйыл эмиэ тутустубут. Ону бу улууска аҕалан туттардыбыт. Бэйэм хас нэһилиэк оскуолатыгар попечитель буолабын. Маны сэргэ сыл аайы сыл түмүгүнэн оскуола учууталларыгар номинация анаан 100 000 солкуобай туттарабыт. Ол курдук, холобура аан бастаан үөрэммит оскуолабар, Амма 1№-дээх оскуолатыгар анаабытым.  Ити кэнниттэн Амма 2№-дээх оскуолатыгар туттарбыппыт. Онтон быйыл улууспут биир улахан нэһилиэгин оскуолатыгар, Болугурга биэрдибит. Нэһилиэк бэйэтэ баай историялаах, оскуолата да үрдүк ситиһиилэрдээх диэн сыаналыыбыт. Оҥоһуллар көмө барыта оҕо иитиитигэр, кини сайдыытыгар, ону сэргэ үөрэх хаачыстыбата тупсарыгар, учууталлар үлэлэрин көҕүлүүргэ туһуланар. Сотору үөрэх саҕаланыа. Ол үөрэххэ оҕолорбут паарталарга олорон үөрэнэллэрэ буоллар диэн баҕа санаалаахпын ”, - диэн Руслан Еремеевич санаатын үллэһиннэ.

4 фото

Дьокутаат бэйэтин дойдутугар ити курдук хайа баҕарар өртүнэн көмөлөһө, туох кыалларынан сүбэлии, кыалларын оҥоро сылдьар. Бу  кэлиитигэр кини үөрэх эрэ эйгэтинэн буолбакка, тыа хаһаайыстыбатын боппуруостарын эмиэ быһаарыста. Ол курдук үөрэх үлэһиттэрин кытта сэһэргэһэн баран, “Амма” ААУУо салайааччыларын кытта көрсөн, тирээн турар боппуруостары дьүүллэстэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ