Издательский дом Редакция Подписка
Погода в Якутске: . -0 oC
КУРС ЦБ: $ 73,96 | 86,68

Норуот дьокутааттара Антонина Григорьева, Павел Петров, Виктор Федоров «Полярнай авиалиниялар» АК састаабыгар киирэр Маҕаннааҕы производственнай комплекска сырыттылар.

Норуот дьокутааттара Антонина Григорьева, Павел Петров, Виктор Федоров «Полярнай авиалиниялар» АК састаабыгар киирэр Маҕаннааҕы производственнай комплекска сырыттылар.

Дьокутааттары «Полярные авиалинии» АК генеральнай дириэктэрэ Семен Винокуров, Маҕаннааҕы ПК дириэктэрэ Юрий Мухаметов, «Полярные авиалинии» АК  тиэхиньиичэскэй дириэктэрэ Федор Марков, «Полярные авиалинии» АК генеральнай дириэктэрин солбуйааччы Александр Никитин арыаллаан сырытыннардылар уонна үлэни-хамнаһы кытта билиһиннэрдилэр.

Маҕаннааҕы производственнай комплекс – «Полярные авиалинии» АК  салгыннааҕы суудуналарын көтүүгэ бэлэмниир тутаах база. Ол курдук, комплекс авиакомпания бары суудуналарын, оборудованиеларын, мэхэньиисимнэрин, тэриллэрин, тиэхиньиичэскэй уонна тырааныспарга сириэстибэлэрин эксплуатацияларын уонна күннээҕи өрөмүөннэрин ыытар. Комплекска авиационнай-тиэхиньиичэскэй база, инженернэй-авиационнай сулууспа лабаратыарыйата, тиэхиньиичэскэй сулууспа дьиэтэ, авиа-өрөмүөн мастарыскыайа, аккумуляторнай, олорор уопсай-көстүүнэй дьиэ, гараас, о.д.а. эбийиэктэр киирэллэр.

антонина авиа 2

Дьокутааттар саҥардыы туһаҕа киирбит 625 кв м. иэннээх      ангаарга сырыттылар. Манна авиа-тиэхиньикэ араас көрүҥнээх көрүүнү-истиини ааһар. Бу кэниттэн инженернэй-авиационнай сулууспа лабаратыарыйатын кытта билсии буолла. Дьокутааттар салгыы IV, V уонна  VI ыҥырыылаах Ил Түмэн дьокутаатынан үлэлээбит, өрөспүүбүлүкэ судаарыстыбаннай, уопсастыбаннай дьиэйэтэлэ Владимир Членов аата иҥэриллибит МИ-8 МТВ бөртөлүөт тула түмүстүлэр.

Маҕаннааҕы база 27 авиационнай тиэхиньикэлээх, ол онтон 17-тэ оробуочай туруктаах, бастайааннай көтүүлэри толороллор.

 Кэпсэтиигэ дьоҕус авиацияны сайыннарарга улуустарга авиа-былаһааккалары тутуу, авиа-паарканы саҥардыы, бөртөлүөччүк каадырдарынан хааччыйыы    боппуруостара быһаарыллыыларыгар тохтоотулар. Омскайдааҕы летнай-тиэхиньиичэскэй кэллиэскэ бөртөлүөччүктэри        үөрэтэргэ тус сыаллаах миэстэлэр бэриллибиттэр. Санатар буоллахха, атырдьах ыйын 18 күнүгэр «2022 сылга уонна былааннаах кэмҥэ 2023-2024 сылларга СӨ судаарыстыбаннай бүддьүөтүн туһунан» сокуон барылыгар ыытыллыбыт бастакы оробуочай мунньахха, Саха Сиригэр дьоҕус авиацияны сайыннарыы боппуруостара таарыллыбыттара.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ