Александр Жирков -- университет киэн туттуута
Издательский дом Редакция Подписка
Погода в Якутске: . 10 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

М.К. Аммосов аатынан ХИФУ «Бастыҥ выпускник – университет киэн туттуута» бочуоттаах аата СӨ Ил Түмэнин Бэрэссэдээтэлин бастакы солбуйааччы Александр Николаевич Жирковка иҥэрилиннэ.

М.К. Аммосов аатынан ХИФУ «Бастыҥ выпускник – университет киэн туттуута» бочуоттаах аата СӨ Ил Түмэнин Бэрэссэдээтэлин бастакы солбуйааччы Александр Николаевич Жирковка иҥэрилиннэ.

Тохсунньу 25 күнүгэр «Сэргэлээх уоттара» култуура киинигэр М.К. Аммосов аатынан Хотугулуу-Илиҥҥи федеральнай университет Арассыыйа устудьуоннарын күнүн онлайн киэбинэн тэрийэн ыытта.

 Саха Сирин парламенын аатыттан Ил Түмэн Бэрэссэдээтэлин солбуйааччы Антонина Афанасьевна Григорьева преподавателлэри, устудьуоннары эҕэрдэлээтэ уонна үөрэхтэригэр бастыҥнарга, уопсастыбаннай үлэҕэ көхтөөхтөргө Махтал суруктарын туттарда: Анастасия Алексееваҕа (юридическай колледж, II куурус) Александр Максимовка (физико-техническэй институт IV кууруһа), Ян Тарабукиҥҥа (естественнэй наукалар институттарын 2 кууруһа)

Бу күн, үгэс быһыытынан, университет бастыҥ выпускниктара ааттаннылар. Александр Жиркову үөрэммит кыһата маннык үрдүк уонна бочуоттаах наҕарааданан бэлиэтээбититтэн бары да үөрдүбүт.   

Александр Николаевич Жирков орто оскуоланы бүтэрэн баран, оччотооҕу кэм “Оскуола—производство – үрдүк үөрэх” ыҥырыытынан салайтаран, “Лена” сопхуоска үлэлээн баран, Сэбиэскэй аармыйа кэккэтигэр сулууспалыы барбыта. Ийэ дойдутугар ытык иэһин төлөөн кэлээт, Саха судаарыстыбаннай университет историческай салаатыгар үөрэнэ киирбитэ.

aebe341c 7c81 4d08 afe4 1ca9561a45b5 1

Туйгуннук үөрэнэн, кыһыл дипломнаах бүтэрбитэ. Өрүү инники күөҥҥэ сылдьар лиидэр, устудьуоннар тутар этэрээттэрин салайар хамандыыр этэ. Ханнык да түгэҥҥэ олоҥхо бухатыырыныы бэйэтэ туспа көрүүлээҕин, этэр этиилээҕин, тутуһар позициялааҕын кини устудьуоннуур кэмигэр (1979 с.) буолбут түбэлтэттэн, билигин номоххо киирбит кэпсээнтэн да билэбит.

Александр Николаевич -- бэрэпиэссэр Георгий Прокопьевич Башарин элбэҕи эрэммит уонна кини эрэлин толору толорбут чаҕылхай үөрэнээччитэ. Кини университет саргылаах салаатыгар -- саха инникилээн иһэр өйдөөх-санаалаах дьонун кыһатыгар -- уһаарыллан-хатарыллан тахсыбыта. Ол курдук, Александр Жирков үүнүүтүн кэрдииһин кэмнэрэ университеты кытта быстыспат ситимнээх: аспирант, үөрэммит факультетын ССРС историятын кафедратын ассистена, ыстаарсай преподаватель, Саха Сирин уонна Арассыыйа Хотугулуу-Илиҥҥи норуоттарын историятын уонна култууратын кафедратын доцена.

Билигин Александр Жирков –Арассыыйа бэлитиичэскэй уонна уопсастыбаннай диэйэтэлэ. Госдума иһинэн РФ сокуону таһаарааччыларын Ассамблеятын чилиэнэ, “Уһук Илин уонна Забайкалье” парламент Ассоциациятын чилиэнэ, “Эпосы народов мира” Аан дойдутааҕы ассоциация вице-президенэ, аан дойду музейдарын Сэбиэтин (ИКОМ) чилиэнэ, СӨ Ил Дарханын иһинэн Олоҥхо национальнай тэрийэр кэмитиэтин бэрэссэдээтэлэ, М.К. Аммосов аатынан ХИФУ учуонай Сэбиэтин чилиэнэ, СӨ агропрофилированнай оскуолаларын Сойуустарын бэрэссэдээтэлэ, 2014 сылтан Бочуоттаах Президенэ, СӨ Ил Түмэнин V ыҥырыытын Бэрэссэдээтэлэ, Саха судаарыстыбаннай университетын историко-филологическай факультетын 1981 с. бастыҥ выпускнига.

Александр Николаевиһы истиҥник эҕэрдэлиибит уонна: “Эн – биһиги норуоппут киэн туттуута буолаҕын”, -- диэн этэн туран, судаарыстыбаннай үлэҕэр, аан дойдутааҕы таһымнаах гуманитарнай бырайыактаргар үрдүк ситиһиилэри, бөҕө доруобуйаны, дьолу-соргуну баҕарабыт.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением