Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Билигин итии аһылыгы уонна пиццаны дрон көмөтүнэн  тиэрдии ырыынага аан дойду үрдүнэн сайдар. Баһыылкалары нэһилиэнньэҕэ дронунан  тиэрдии курдук саҥа ньыманы туһанарга улахан хампаанньалар, фирмалар, ритейлердар төбөлөрүн сынньыбыттара ыраатта. Бу аныгы технология ньыматынан квадрокоптер туһата элбэҕэ биллэр. Сакааһы анал контейнерга уган баран квадрокоптер анныгар иилиллэр биитэр үрдүгэр ууран аадырыска салгынынан тиэрдэллэр.

Билигин итии аһылыгы уонна пиццаны дрон көмөтүнэн  тиэрдии ырыынага аан дойду үрдүнэн сайдар. Баһыылкалары нэһилиэнньэҕэ дронунан  тиэрдии курдук саҥа ньыманы туһанарга улахан хампаанньалар, фирмалар, ритейлердар төбөлөрүн сынньыбыттара ыраатта. Бу аныгы технология ньыматынан квадрокоптер туһата элбэҕэ биллэр. Сакааһы анал контейнерга уган баран квадрокоптер анныгар иилиллэр биитэр үрдүгэр ууран аадырыска салгынынан тиэрдэллэр.

Көҕүлээһин өйөбүлү булуохтаах

Санатар буоллахха, Дьокуускай куоракка “CityPizza” хампаанньа көҕүлээһининэн коронавирус дьаҥа тарҕаныытын кэмигэр ХИФУ устудьуоннарыгар дрону туһанан итии аһылык уонна пицца тиэрдэр санаалаахтарын иһитиннэрбиттэрэ. Чуолаан, ХИФУ 9/2 №-дээх уопсайын коронавирус дьаҥынан ыалдьыбыт устудьуоннарыгар босхо квадрокоптер көмөтүнэн ас тиэрдэн биэрэргэ бэлэмнэрин этимиттэрэ. Ыам ыйын 19 күнүнээҕи туругунан бу уопсайга COVID-19 дьаҥыгар ылларбыт 116 оҕо харантыыҥҥа олороро биллэр. Көҕүлээччилэр быһааралларынан, курьер ХИФУ уопсай дьиэтин аттыгар уулуссаттан дрон көмөтүнэн сакааһы устудьуоннарга көтүтэн тиэрдэн биэриэхтээх. Итии аһылык сакаасчыттар аһаҕас түннүктэригэр диэри тиэрдиллиэхтээх.

tatiana tymyrova 72219877 505128056951090 5888053067069152781 n

А.Скрипин Саха сирин биллэр рестораннар холдиннарын директора, СӨ ыалдьытымсах буолууга Ассоциациятын бэрэссэдээтэлэ Татьяна Тымыроваттан бу көҕүлээһин туһунан санааларын истээри төлөпүөн нөҥүө ыйытыктарбытыгар кылгас хоруйдары ыллыбыт. “Бу ньыма биһиэхэ саҥа “тренд” буолан олоххо кириэхтээх. Барыһа - ороскуоту намтатар, үлэ тэтимин түргэтэтэр.  Ол эрэн докумуон сырсыытыгар уонна көҥүлү ылыыга, хомойуох иһин, элбэх мэһэйдэр бааллар”, - диэн чопчулаата директор. Холдинг салайааччыта норуот дьокутааттарыгар туһаайан, дрон көмөтүнэн аһы, таһаҕаһы тиэйии ньыматын олоххо киллэрэргэ ресторан бизнеһин эйгэтигэр үлэлиир урбаанньыттарга сокуонунан сымнатыы баара буоллар диэн баҕа санаатын этиннэ. Инновация, цифровой сайдыы үйэтин кэмин батыһа саҥа ньымалары олоххо киллэрэргэ өйөбүлү көрөллөрүгэр этиитин иһитиннэрдэ. 

“CityPizza” хампаанньа үлэһиттэрэ дронунан таһаҕаһы тиэйии ньыматын сөптөөх өрүттэрин барытын техническэй өттүнэн дьиҥ олоххо боруобалаабыттар эбит. Оттон квадрокоптердары, көтөр аппарааттары волонтердар акция чэрчитинэн босхо туһаҕа биэриэхтэрин, ону таһынан коронавирус дьаҥа тарҕаныытын кэмигэр үлэлэһэр баҕа санааларын этиммиттэрэ хайҕаллаах саҕалааһын.  Тэрийээччилэр бу акцияҕа дрону көтүтэри сөбүлээччи дьону уонна куоракка баар ас тиэрдэр сулууспалары кыттыһалларыгар ыҥыраллар.

Татьяна Тымырова инникитин олох сайдыытын тэтиминэн бу ньыма билигин да буолбатар, хойут да баар буолуон сөп диэн этэр. Көҕүлээһини өйүүр туһунан көрдөһүү сурук ХИФУ Президенин Евгения Михайлова аатыгар ыытыллыбыт, билигин хампаанньа директора эппиэт күүтэр. “Бу күҥҥэ диэри эппиэт кэлэ илик. Көҥүл эппиэт кэллэҕинэ тустаах судаарыстыбаннай уорганнартан лизенция ылыллыахтаах”, -- диэн салайаачы хоруйдаата.

3 pismo

Тас дойдуларга балаһыанньа хайдаҕый?

Биллэн турар бу ньыма барыһа элбэх: бастатан туран -- түргэн, иккиһинэн -- светофор ирдэммэт. Маны таһынан, тэрилтэҕэ курьер, тырааныспар, уматык ороскуоттарын намтатар кыаҕы үөскэтэр. Ити курдук инновационнай саҥа ньыма кыра сакаастары дьоҥҥо тиэрдиигэ ордуга, ону таһынан барыстааҕа биллэр эрээри, барыта этиллибитин курдук боростуой буолбатах.

Бастаан дронунан итии аһылыгы тиэрдии “маркетина” киһиргэнии курдук тарҕаммыта. Тас дойдуларга аан маҥнайгынан сакаастары дронунан дьоҥҥо тиэрдии ньымаларын үөрэтэн, АХШ Amazon хампаанньата дьарыктанарын туһунан иһитиннэрбитэ. 2012 сыл ыам ыйыгар “TacoCopter” түргэн ас сервиһэ тако аһылыгы дронунан тиэрдиэхпит диэн эрэннэрбитэ. Онтон Domino’s Pizza хампаанньа пиццаны халлаанынан тиэрдэр туһунан реклама ролигын көрдөрбүтэ. Сымыйа сурахтар 2014 сылга үксээн барбыттара.

Билигин аан дойду үрдүнэн көтөр аппарааттарын ахсаанынан баай уонна ордук юридическай сирэйдэргэ табаардары, баһыылкалары, аһылыгы, ону таһынан улахан ыйааһыннаах таһаҕаһы сакааһынан тиэйии эйгэтин баһылаабыт дойдунан АХШ буоларын сырдаппыттара. Историяҕа суруллубутунан, 2014 сыллаахха Амазон хампаанньа сакаастары дронунан дьоҥҥо тиэйиини бастакынан саҕалаабыта биллэр. Ол кэмҥэ бу саҥа киирэн эрэр сүүрээни АХШ Федеральнай авиационнай  салалтата төрдүттэн боппута уонна бу ньыманан харчы ылалларыгар сокуонунан хааччахтар баалларын  ыйбыта. Икки сыл ааспытын кэннэ ити тэрилтэ регламент оҥорон бигэргэппитэ. Докумуоҥҥа этиллэринэн, дронунан таһаҕаһы тиэйии саҥа ньыматын туһанарга коммерция көҥүллэммитин үрдүнэн, итиннэ эбии араас өрүттэрдээх хааччахтааһыннар олохтоммуттар:

  • көтөр аппараат ыйааһына 25 киилэттэн ордук буолуо суохтаах;
  • аппараат көтөр кэмигэр 160 км/чаас куоһаран түргэтиэ суохтаах;
  • аппараат күнүскү кэмҥэ туһаныллыахтаах.

Салгыы 2017 сыллаахха АХШ Президенэ туһааннаах докумуону бигэргэппитэ, бу дьаһалынан Тырааныспар департаменыгар  дойду үрдүнэн көтөр аппарааттар таһаҕаһы тиэйиигэ саҥа ньымалары туһанар суолларын тобуларга соруктаабыта. 

Күн бүгүҥҥэ диэри Amazon, DHC, Google, Wallmart, Domino’s Pizza, Foodpanda, 7-Eleven, Alibaba уо.д.а. бөдөҥ хампаанньалар бу хайысхаҕа улахан кыах баарын көрөллөр.

uber eas drone

Арассыыйаҕа

2019 сыл сааһыгар Д.А. Медведев 250 граммтан 30 киилэҕэ диэри ыйааһыннаах дроннары булгуччу регистрациялыыр туһунан 658№-дээх уураахха илии баттаабыта. 2019 с. балаҕан ыйын 27 күнүттэн көтөр аппарааттары Росавиацияҕа регистрацияланыахтаах. Эбиитин  аппарааты үөһэ халлааҥҥа 150 миэтэрэҕэ диэри уонна 50 миэтэрэ тэйиччи сиргэ көтүтүллүөхтээх.  Сокуонунан бигэргэммит  РФ-ҕа салгын эйгэтин туһаныыга саҥа быраабыланан, тустаах судаарыстыбаннай уорганнарга аппараат көтөр былааныгар сөбүлэҥи ылан баран туһаныллыахтаах. Ити курдук, сөптөөх көҥүл ылыллыахтаах, сорох түгэҥҥэ таһаҕаһы тиэйиигэ лицензия ирдэнэр. Тустаах көҥүлэ уонна аппараат көтөрүгэр сөбүлэһиннэриллибит былаана суох тутуллубут буруйданааччы ыстарааптаныан эбэтэр тэрилтэ үлэтэ 90 күҥҥэ диэри болдьоххо тохтотуллуон сөп. Лицензията, көҥүлэ суох буруйданааччы тутуллар түгэнигэр ыстараап кээмэйэ: физическэй сирэйдэргэ – 20 000 солкуобайтан 50 000 солк. диэри, аччыгый уонна орто урбаанньыттарга -- 100 000 солк., оттон юридическай сирэйдэргэ – 250 000 - 300 000 солк.диэри.

registr

Болҕойуҥ уонна өйдөөҥ: диспетчер зонатын, аэропорт, харабылланар зона аттыларыгар, ону таһынан миитин, күрэхтэһии, кэнсиэр уо.д.а. маассабай тэрээһин кэмигэр  дрону көтүтүү бобуулаах.  Аны туран, дойду үрдүнэн квадрокоптердары регистрациялааһын өҥөтүн оҥоруу судургутуйбута. Аппараат хаһаайына почтанан биитэр “Госуслуги” портал нөҥүө регистрацияҕа сурук ыытыан сөп.

Оттон аан маҥнайгынан Арассыыйаҕа Сыктывкар куоракка пиццаны дрон көмөтүнэн тиэрдибит “Додо Пицца” уонна “CopterExpress” хампаанньалар буолаллар. Бастакы итинник үлэ күнүгэр 3720 солк. суумалаах алта сакааһы толорбуттара биллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением