СӨ инновацияҕа, сыыппараны сайыннарыыга миниистирэ Анатолий Семенов: «РФ Киин баанын дааннайынан, 2019 сылга Саха сирэ ИТ-өҥөнү тас дойдуга таһаарыыга биир бастыҥнар кэккэлэригэр баар. 2019 сыл түмүгүнэн өрөспүүбүлүкэ 2 млрд. солк. ИТ-өҥөнү оҥорбут. Бу Уһук Илиҥҥи уокурук үрдүнэн 82 %-ҥа тэҥнэһэр. Онтон 2018 сыллаахха өрөспүүбүлүкэ ити салааҕа 1,1 млрд солк. киллэрбитэ. Бу үлэ түмүктэринэн, урут Саха сирэ Арассыыйа субъектарыгар 20 миэстэҕэ сылдьыбыт буоллаҕына, билигин 12-кэ таҕыста. Бу адьас үчүгэй көрдөрүү. Коронавирус дьаҥынан сибээстээн дьиэҕэ олоруу эрэсиимин кэмигэр экэниэмикэни хамсатааччынан, күннээҕи олоххо сүрүн оруолу ИТ-өҥөлөр, бородуукталар ыллылар. Айсен Сергеевич бу пандемия кэнниттэн өрөспүүбүлүкэ экэниэмикэтин сүрүн тирэҕинэн инновационнай уонна креативнай биисинэс буолуоҕа диэн эппитин кытта сөбүлэһэбин» - диэн санаатын үллэһиннэ.
- 0
- 0
- 0
- 0
- 0
- 0