Сокуон страховой бириэмийэҕэ дьайар түгэннэри чопчулуур. Ол курдук, суол быраабылатын элбэхтик тутуспат, кэһэр, ыстырааптанар, массыынатын үчүгэйдик көрүммэт, итирик туруктаах уруулга олорон ыстырааптаммыт суоппардар үрдэтиллибит тарыыптарынан полистарын төлүүр буолуохтара. Маны таһынан, тарыыптары оҥорорго дьайар сорох түгэннэри страховой хампаанньалар бэйэлэрэ быһаарыахтара, чопчулуохтара.
Саҥа сокуон страховой хампаанньалар тарыып сууматын таһааралларыгар киһини омугунан, төрөөбүт тылынан, расатынан, дуоһунаһынан, итэҕэлинэн уонна итэҕэлгэ сыһыанынан көрөн атаҕастыылларын боборо этиллибит.
Страховой тарыыптары ааҕыы сөптөөх уонна сиэрдээх буоларын Арассыыйа Баана хонтуруоллуо.
Маны таһынан, атырдьах ыйын 24 күнүттэн, ОСАГО тарыыптарын халбаҥныыр араастаһыылара (базовай ыстаапката) улаатан биэрбит. Мантан ыла биирдиилээн дьон тарыыба 10 % иһинэн халбаҥныа (2471-5436 солк), тэрилтэлэргэ – 20 %, таксиларга – 30 %. Маннык дьаһал сэрэхтээх суоппардарга тарыыптарын түһэрэри, оттон суол быраабылатын элбэхтик кэһээччилэргэ үрдэтэри көҥүллүүр.
-
0
-
0
-
0
-
0
-
0
-
0
