Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Тимир көлөлөрбүт сүрүн «аһылыктарынан» сэлээркэ, бэнсиин буолаллар. Олорбут сыаналара күн-түүн тэллэй курдук үрдүүр. Сэлээркэ тыа сиригэр көмүстээҕэр ордук сыаналаах диэтэххэ, улахан омуннааһын буолуо суоҕа.

Тимир көлөлөрбүт сүрүн «аһылыктарынан» сэлээркэ, бэнсиин буолаллар. Олорбут сыаналара күн-түүн тэллэй курдук үрдүүр. Сэлээркэ тыа сиригэр көмүстээҕэр ордук сыаналаах диэтэххэ, улахан омуннааһын буолуо суоҕа.

Кэлиҥҥи кэмҥэ тиэхиньикэлэргэ гаас уматыгы туһаныы олоххо лаппа туһаныллан  эрэр. Онон бу хайысхаҕа муус хамсаата диир кыахтаахпыт. Санатар буоллахха, «2020-2024 сс. Саха Өрөспүүбүлүкэтигэр  быраамыысыланнаһы сайыннарыы уонна  минеральнай-сир баайын  базатын тэрийии» судаарыстыбаннай  бырагыраама чэрчитинэн,   тырааныспарга уонна анал тиэхиньикэлэргэ гаас уматыгы туһаныыны кэҥэтэр туһунан хос бырагырааманы  олоххо киллэрии СӨ Ил Дархана  2019 сыллаахха ахсынньы 13 күнүнээҕи Ыйааҕынан бигэргэммитэ. Онон былаан быһыытынан 2024 сылга диэри өрөспүүбүлүкэбитигэр  гаас уматыгынан үлэлиир тырааныспар ахсаана 1400-кэ  тиэрдиллиэхтээх уонна  22 гаас сапыраапката баар буолуохтаах.

Бу ааһан эрэр нэдиэлэҕэ Дьокуускай куоракка «РЭМ» хампаанньа бөлөҕүн салайааччылара,  исписэлиистэрэ ити үөһэ этиллибит боппуруоска Саха сирин салалтатын кытта көрсөн, кэпсэтэн-ипсэтэн бардылар.  Сырыы түмүгэр «РЭМ» хампаанньа бэрэсидьиэнэ Мухаммад Мухитдинов, хампаанньа  дириэктэрдэрин Сэбиэтин чилиэннэрэ  Рафаэль Батыршин, Артем Богданов уонна  «САХАТЭК»  АУо дириэктэрдэрин Сэбиэтин бэрэссэдээтэлэ Афанасий Максимов «Азимут»  көстүүнэйгэ суруналыыстары кытары көрсөн кэпсэттилэр. Кэпсэтиини норуот дьокутаата Мария Христофорова үүннээн-тэһииннээн ыытта. 

Санатар буоллахха, «РЭМ» бөлөҕүн хампаанньата уонна «САХАТЭК» АУо  Саха сиригэр гааһы переработкалыырга быһа барыллаан  дуогабардаспыттар. Кэпсэтиигэ бастаан утаа сүрүн иһитиннэриини  «РЭМ»  хампаанньа  бөлөҕүн бэрэсидьиэнэ Мухаммад Мухитдинов оҥордо. Кини чуолаан тустаах хампаанньа хайдах-туох сыаллаах тэриллибититтэн саҕалаан  дьон айанныырыгар бара өттүнэн табыгастаах тупсарыллан оҥоһуллубут оптуобустар тустарынан олус интэриэһинэйдик, ылыннарыылаахтык кэпсээтэ.  Онон бу дьыалабыай сырыы түмүгүнэн барыта этэҥҥэ быһаарылыннаҕына,  тустаах хампаанньа   Саха сиригэр гаас уматыгынан үлэлиир тимир көлөлөргө аналлаах  сервиснэй уонна онно эбии тэхиньиичэскэй быраактыкаҕа  исписэлиистэри үөрэтэр кииннэри тэрийэр туһунан былаан оҥоһуллубут.

«Биһиги элбэх буолан кэлэн,  бырайыакпыт хайысхатынан барытын үөрэтэн көрдүбүт-иһиттибит. Өрөспүүбүлүкэ салалтатын кытта эмиэ ити боппуруоска көрсөн кэпсэттибит. Биһиги бырайыакпытын Дьокуускай куоракка киллэрэр күннээх буоллахпытына,  барытын 100 бырыһыан толору хаачыстыбаны эрэннэрэбит.  Дьокуускай куорат мээрэ Евгений Григорьевы кытта бырайыакпытынан эмиэ көрсөн кэпсэттибит. Бырайыакпытын иҥэн-тоҥон ыйыталаста, олус диэн интэриэһиргээтэ», - диэн Мухаммад Мухитдинов санаатын үллэһиннэ.  «САХАТЭК»  АУо дириэктэрдэрин Сэбиэтин бэрэссэдээтэлэ Афанасий Максимов: «РЭМ»  хампаанньа  бөлөҕүн кытта  ити этиллибит хайысхаларга бииргэ үлэлииргэ  быһаарыстыбыт.  Гаас уматыгын  күүскэ туһаныыны өрөспүүбүлүкэбитигэр киллэриэхпитин наада.  Ити өттүгэр сөптөөх үлэни ыытыахтаахпыт», - диэн эттэ.  Онон барыта этэҥҥэ буоллаҕына, бэрт сотору кэминэн «күөх төлөнүнэн» үлэлиир тиэхиньикэлэр элбиэхтэрэ.  Гаас уматык, бастатан туран, сыаната удамырын ааһан, тулалыыр эйгэҕэ буортуну аҕалара лаппа кырата биллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением