Саҥа сервис кэлэр 2022 сылтан Дьокуускайга, онтон 2023 сылтан улуустарга киллэриллиэҕэ. Бырайыагы олоххо киллэрэр туһунан боппуруос Бырабыыталыстыба Бэрэссэдээтэлэ Андрей Тарасенкоҕа ыытыллыбыт мунньахха көрүлүннэ. Премьер бэлиэтээбитинэн, өрөспүүбүлүкэ олохтоохторо олох-дьаһах хомунаалынай өҥөтүн төлөбүрүн онлайнынан биир кликкэ оҥорор кыахтаныахтара. ОДьКХ өҥөтүн комплекса барыта «биир түннүк» ньыматынан электроннай көрүҥҥэ көһөрүллүөҕэ. Онон нэһилиэнньэ төлөбүрү оҥороругар быдан табыгастаах уонна дьэҥкэ буолуоҕа.

Сервискэ уунан, сылааһынан, гааһынан, электроуотунан хааччыйар, бөҕү дьаһайар сүрүн хампаанньалар тустарынан чахчылар түмүллэр буоланнар, Элбэх кыбартыыралаах дьиэлэр хапытаалынай өрөмүөннэрин пуондатын, «Якутскэкосети» ААУо-ны, «СӨ ОДьКХ» ГУТ-ни, «Водоканал» уонна «Сахатранснефтегаз» АУо-лары кытары сөбүлэһии түһэрсиллибит. Тэрилтэлэр өрөспүүбүлүкэ судаарыстыбаннай уонна муниципальнай өҥөлөргө порталыгар (e-yakutia.ru.) дааннайдарын киллэрэргэ тэхиньиичэскэй кыаҕы биэрбиттэр.

Айсен Николаев сорудаҕынан 2024 сылга диэри сыыппара технологиятыгар көһүү чэрчитинэн, холбоһуктаах төлөбүр докумуона өрөспүүбүлүкэ үрдүнэн үлэлиэхтээх диэн Ил Дархан уонна Бырабыыталыстыба пресс-сулууспата иһитиннэрэр.