Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Ахсынньы 10-12 күннэригэр Санкт-Петербург куоракка “Аартыка: билиҥҥитэ уонна инникитэ”: саҥа уон сылга киирээри туран” диэн X норуоттар икки ардыларынааҕы форум буолаары турар.

Ахсынньы 10-12 күннэригэр Санкт-Петербург куоракка “Аартыка: билиҥҥитэ уонна инникитэ”: саҥа уон сылга киирээри туран” диэн X норуоттар икки ардыларынааҕы форум буолаары турар.

Форуму “Полярниктар ассоциациялара” диэн эрэгийиэннэр икки ардыларынааҕы уопсастыбаннай тэрилтэ көҕүлээн тэрийэр. Бу үрдүк таһымнаах тэрээһин РФ Федерациятын Сэбиэтин, Судаарыстыбаннай Думатын, Аартыка сайдыытын судаарыстыбаннай хамыыһыйатын, РФ экэниэмикэҕэ министиэристибэтин, Аартыкаҕа үлэлиир бырамыысыланнас бөдөҥ хампаанньаларын, билим чинчийэр тэрилтэлэрин өйөбүллэринэн ыытыллар.

Форум – Аартыка кыһалҕаларын уонна сайдыытын тула кэпсэтэр сүрүн уопсастыбаннай былаһаакканан буолар. Манна Аартыка эрэгийиэнигэр олорооччулар уонна үлэлээччилэр кэлэн санаа уонна уопут атастаһаллар. Эрэгийиэн сайдыытыгар көрүүлэрин үллэстэллэр.

Тэрээһин чэрчитинэн дьылабыай кэпсэтиилэри сэргэ Аартыка эрэгийиэннэрин уонна хампаанньаларын улахан быыстапката былааннанар.

Икки күннээх форум түмүгүнэн, кыттааччылар эрэгийиэн сайдыытыгар этиллибит бары санаалары түмэн, биир улахан резолюцияны ылыныахтаахтар. Ити резолюция РФ Федеральнай Мунньаҕын үрдүкү уонна алын палааталарыгар, РФ Бырабыыталыстыбатыгар уонна министиэристибэлэригэр, эрэгийиэннэргэ тиэрдиллиэхтээх. Ону Аартыка сайдыытыгар туһуламмыт сокуону оҥорууга уонна судаарыстыбаннай өйөбүл эйгэтигэр туһаныахтаахтар.  

Бу форумҥа Саха сирин дэлэгээссийэтин Ил Дархан Айсен Николаев салайан илдьэ барара күүтүллэр. Айсен Сергеевич “РФ Аартыкатын сайдыытыгар эрэгийиэннэр кыттыылара” диэн пленарнай мунньахха кыттара былааннанар. Кини ахсынньы 11 күнүгэр форум кыттыылаахтарыгар Саха Өрөспүүбүлүкэтин Аартыкатын сайдыытын стратегиятын кытта билиһиннэриэхтээх.

Форум туһунан http://www.forumarctic.com/ билсиҥ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ