Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

 Ил Түмэн аҕыйах ахсааннаах төрүт норуоттарын уонна Аартыка дьыалаларыгар сис кэмитиэтин бэрэссэдээтэлэ Елена Голомарева “Аартыка: бүгүҥҥүтэ уонна кэскилэ” норуоттар икки ардыларынааҕы X форум “РФ Аартыкатын зонатыгар урбааны уонна инвест бырайыактары өйүүр саҥа тиһигин оҥоруу” панельнай сессияҕа кытынна.

 Ил Түмэн аҕыйах ахсааннаах төрүт норуоттарын уонна Аартыка дьыалаларыгар сис кэмитиэтин бэрэссэдээтэлэ Елена Голомарева “Аартыка: бүгүҥҥүтэ уонна кэскилэ” норуоттар икки ардыларынааҕы X форум “РФ Аартыкатын зонатыгар урбааны уонна инвест бырайыактары өйүүр саҥа тиһигин оҥоруу” панельнай сессияҕа кытынна.

Елена Голомарева “РФ Аартыкатын зонатыгар предпринимательствоны өйөөһүн туһунан” федеральнай сокуон барылын оҥорууга эрэгэйиэннэр парламеннара көхтөөхтүк кыттыбыттарын бэлиэтээтэ. Ону сэргэ Саха өрөспүүбүлүкэтин парламена чуолкай быһаарыыны ирдиир кэккэ этиилэри киллэрбитин санатта. Холобур, сокуон барылыгар хоту сиригэр былыргыттан олорор төрүт норуоттарга болҕомто ууруллубатаҕын ыйда. РФ Бырабыыталыстыбатын бэрэссэдээтэлин солбуйааччыта Юрий Трутнев өйөбүлүнэн сокуон барылыгар аҕыйах ахсааннаах төрүт норуоттары өйүүр бас баар буолбут. Ону таһынан төрүт олохтоохтор сир баайын хостооччулары кытары сыһыаннаһыыларыгар туспа ыстатыйа киирбит. Сотору кэминэн “Үгэс дьарыктарынан олорор хоту сирин аҕыйах ахсааннаах төрүт норуоттары өйөөһүн туһунан” диэн федеральнай бырагыраама оҥоһуллан тахсыахтааҕын иһитиннэрдэ.

Елена Голомарева Ил Түмэн аатыттан Госдума дьокутааттарыгар Денис Кравченкоҕа, Галина Данчиковаҕа, Валентина Пивненкоҕа аартыка эрэгэйиэннэрин уонна хоту сир аҕыйах ахсааннаах төрүт норуоттарын интэриэһин турууласпыттарын иһин махталын тиэртэ.

Елена Голомарева иһитиннэриитигэр хоту сиригэр олорор родовой общиналар уустук балаһыанньаларын кэпсээтэ, кэмиэрчэскэйэ суох тэрилтэ буолалларынан судаарыстыбаннай өйөбүлү туһанар бырааптара суоҕун ыйда. “Родовой общиналарга федеральнай сокуонунан бигэргэммит урукку бырааптарын төнүннэриэххэ, ол иһигэр төрүт сирдэрин босхо туһанар буолалларын ситиһиэххэ наада”, -- диэн бэлиэтээтэ.

Панельнай сессияны салайбыт Госдума дьокутаата Денис Кравченко киирбит этиилэринэн үлэ ыытыллыаҕа диэн эрэннэрдэ. Кини “РФ Аартыкатын зонатыгар предпринимательствоны өйөөһүн туһунан” сокуон барылын оҥорууга Саха өрөспүүбүлүкэтин парламена көхтөөхтүк кыттыбытын иһин махтанна.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ