Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

“Полярниктар ассоциациялара” эрэгийиэннэр икки ардыларынааҕы уопсастыбаннай тэрилтэ Санкт-Петербурга тэрийбит “Аартыка: билиҥҥитэ уонна инникитэ” форумугар 29 дьыалабыай дьаһал ыытылынна. Арассыыйа 70 субъегыттан 2,5 тыһыынча киһи кытынна.

“Полярниктар ассоциациялара” эрэгийиэннэр икки ардыларынааҕы уопсастыбаннай тэрилтэ Санкт-Петербурга тэрийбит “Аартыка: билиҥҥитэ уонна инникитэ” форумугар 29 дьыалабыай дьаһал ыытылынна. Арассыыйа 70 субъегыттан 2,5 тыһыынча киһи кытынна.

Биир кэмҥэ былаһааккаҕа 500-тэн аҕыйах киһи сырытта. Үгүстэр тирээн турар боппуруостары дьүүллэһиигэ онлайн-эрэсиимҥэ холбонон киирдилэр. Итинэн, өрүү буоларыныы, биир кэмҥэ элбэх киһи кыттар итиэннэ хамсык дьаҥыттан сэрэнэр дьаһал тутуһуллар кыахтанна.

“РФ Аартыка түбэтигэр судаарыстыба бэлиитикэтэ” пленарнай мунньах Арассыыйа Аартыкаҕа национальнай интэриэстэрин хааччыйыы боппуруостарыгар РФ Куттал суох буолуутугар Сэбиэтин биэдэмэстибэлэр икки ардыларынааҕы хамыыһыйатын салайааччыта, РФ Куттал суох буолуугугар Сэбиэтин бэрэссэдээтэлин солбуйааччы Дмитрий Медведев эҕэрдэ тылынан арылынна. Эҕэрдэҕэ форум ааспыт уон сыл иһигэр уопсастыбаннас киэҥ араҥатын тардыбыта уонна Аартыка сайдыытын кытта ситимнээх соруктары толорууга үлэлиир дьону түмпүтэ этиллэр. Полярниктар ассоциацияларын бэрэсидьиэнэ Артур Чилингаров: “Арассыыйа хоту эҥээрин кыһалҕаларын дьүүллэһиигэ, кырдьык, форум  саамай улахан былаһааккаҕа кубулуйда”, -- диэтэ.

Уһук Илини уонна Аартыканы сайыннарыы миниистирин бастакы солбуйааччы Александр Крутиков Аартыканы баһылааһыҥҥа чэпчэтиилээх эрэсиими тэрийэр туһунан сокуон барыла бырабыыталыстыбаҕа киллэриллибитин иһитиннэрдэ. Аартыка түбэтигэр 178 млрд солк. кээмэйдээх 33 инвестбырайыак олоххо киллэриллэр.

“Экэниэмикэни сайыннарыыны сэргэ Аартыкаҕа социальнай сайдыы улахан суолталаах. Манна саҥа куораттар үүнэллэригэр, бастатан, дьон олороругар табыгастаах, тупсаҕай усулуобуйа тэриллиэхтээх”, -- диэн пленарнай мунньахха Госдума бэрэссэдээтэлин солбуйааччы Игорь Ананских бэлиэтээтэ.

Аартыканы сайыннарыы боппуруостарыгар судаарыстыба хамыыһыйатын бэрэссэдээтэлин солбуйааччы, “Росатом” госкорпорация аналлаах бэрэстэбиитэлэ Владимир Панов иһитиннэрэринэн, Аартыкаҕа сотору кэминэн Арассыыйа аныгы атомнай ледоколлартан турар саамай улахан флоттаныа. Ол курдук, билигин үлэлии сылдьар биэс ледоколу таһынан түөрт ледокол тутуллар уонна “Лидер” диэн аан дойдуга суох модун күүстээх аал оҥоһуллан тахсыа.

Оттон Госдума эрэгийиэн бэлиитикэтигэр уонна Хотугу сир, Уһук Илин проблемаларыгар кэмитиэтин бэрэссэдээтэлэ Николай Харитонов ааҕарынан, хотугу эрэгийиэннэртэн дьон көһүүтүн федеральнай былаас көмөтүнэн эрэ тохтотуохха сөп. “Аартыкаҕа киһи киһилии олорор уонна үлэлиир усулуобуйатын тэрийии – бу, бастатан, федеральнай киин соруга”, -- диэтэ кини.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ