Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Быйыл хотугу улуустарга былааннаммыт “күөх рейстэр” ахсынньы 29 күнүгэр диэри сүүс бырыһыан толоруллар буолбуттар. Ол аата уһук хотугу нэһилиэктэр ыаллара саҥа 2021 сылы хортуоппуйдаах, оҕуруот астаах уонна фрукталаах көрсүөхтэрэ.

Быйыл хотугу улуустарга былааннаммыт “күөх рейстэр” ахсынньы 29 күнүгэр диэри сүүс бырыһыан толоруллар буолбуттар. Ол аата уһук хотугу нэһилиэктэр ыаллара саҥа 2021 сылы хортуоппуйдаах, оҕуруот астаах уонна фрукталаах көрсүөхтэрэ.

Бу туһунан тыа хаһаайыстыбатын миниистирин солбуйааччы Василий Афанасьев иһитиннэрдэ. Бэҕэһээ, ахсынньы 15 күнүгэр, “ИрАэро” уонна “Полярные авиалинии” хампаанньалар салалталарын кытта дуогабардаһан, ким ханна төһө таһаҕаһы тириэрдиэхтээҕин, хас сырыыны оҥоруохтааҕын быһаарсыбыттар. Василий Владимирович этэринэн, Дьокуускайтан барыта 24 туонна хортуоппуйу, оҕуруот аһын уонна фруктаны тиэйэн илдьэргэ “Полярные авиалинии” уонна “ИрАэро” хампаанньалар Ан-26, Ан-24 сөмөлүөттэрэ холбоон, 11 рейси толоруохтара. Онтон улуустар кииннэриттэн ыраах, суола суох бөһүөлэктэргэ 13 сырыы былааннанар. Олорго “полярниктар” Ми-8 бөртөлүөттэрэ көтүөхтэрэ.

Министиэристибэ “күөх рейстэри” көтүтүү иһин төлөбүр харчытын “Якутопторг” ААУо-ҕа түһэрбит. Инньэ гынан, “Якутопторг” бу күннэргэ кынаттаах аалларга таһаҕас тиэйэн, күргүөмүнэн көтүтүө. Сөмөлүөттэр улуустар кииннэригэр тиийдэллэр эрэ бөртөлүөттэр инньэ Таймылыырга, Намыыга (Бороҕоҥҥо), Найбаҕа (Хара Уулаахха), Дьүкээгиргэ, Тумакка, Хайырга, Нычалаахха, Чкаловоҕа, Оленегорскайга, Колымскайга, Андрюшкиноҕа, Уһун Күөлгэ, ону тэҥэ Орто Халымаҕа Эбээххэ, Ойуһардаахха күһүҥҥүттэн күүтэр хортуоппуйдарын, дьаабылыкаларын тута тиксэриэхтэрэ. Онон, хоту олох салҕанар.

Василий Афанасьев: “Сөмөлүөттэр Дьокуускайга эргиллэн кэлэллэригэр 24 туонна балыгы аҕалыахтаахтар, ол сырыыларыгар эмиэ төлөбүр оҥоһуллар”, -- диир. Онон куорат ыаллара эмиэ саҥа сылы сандалыларыгар сибиэһэй тоҥ балыктаах көрсөр буоллулар. Балык дэлэйдэҕинэ сыана түһүө дуо? Бырааһынньык чугаһаан, дьэ, өрө көтөр дуу?..

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ