Издательский дом Редакция Подписка
Погода в Якутске: . -14 oC

Сүрүн сонуннар

Бүгүҥҥү сонуннар

Бэлиитикэ

Экэниэмикэ

Нэһилиэктэри хааччыйар кыһыҥҥы суол кэскилэ

Сахабыт Сиригэр төгүрүк сыл массыына сылдьар суола суоҕуттан сылтаан, Дьокуускайтан кытыы сытар улуустарга, Уһук хоту аһы-үөлү, туттар тэрили, уматыгы кыһыҥҥы суолунан тиэрдэллэр. Өрөспүүбүлүкэҕэ 37,8 тыһ. км. уһуннаах массыына суола баарыттан 31,1% кытаанах…
14.03.24 18:34

Уопсастыба

Кирбэй бастыҥ нэһилиэк буолла

Арассыыйа Конституциятынан бэриллибит бырааптарын туһанан, Өлөөн улууһун олохтоохторо өрө көтөҕүллэн туран Бэрэсидьиэн быыбарыгар көхтөөхтүк кытыннылар, Владимир Путин кандидатуратын өйөөтүлэр.
19.03.24 12:26

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы сандал күннэр сардаҥа ыһыаҕын ыһаллар

Хонон турдах аайы хонноҕо аһыллан, утуйан турдах аайы уутуйан туран эбиллэр, өрөөн турдах аайы өһүллэн иһэр сааскы сандал күннэр сардаҥа ыһыаҕын ыһаллар, күн үҥкүүтүн үҥкүүлүүллэр. Үрүҥ хаар үрүт үрдүгэр дьэҥкир куруһуба былаатын бүрүнэр, маҥан хаар хат - хат…
13.03.24 10:52

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Түмэн аҕыйах ахсааннаах хотугу норуоттарын боппуруостарыгар уонна Аартыка дьыалаларыгар сис кэмитиэтигэр 2020 сыл  ситиһиилээх уонна көдьүүсттээх буолла.

Ил Түмэн аҕыйах ахсааннаах хотугу норуоттарын боппуруостарыгар уонна Аартыка дьыалаларыгар сис кэмитиэтигэр 2020 сыл  ситиһиилээх уонна көдьүүсттээх буолла.

-- Хас эмэ сыл тухары туруорсубут, дьүүллэспит этиилэрбит олоххо киирэр ураты ситиһиилээх сыла ааста. Ол курдук, атырдьах ыйын 14 күнүгэр Ил Дархан “СӨ Аартыкатын 2035 сылга диэри социальнай-экэнэмиичэскэй сайдыытын Стратегията”, онтон алтынньы 26 күнүгэр РФ Бэрэсидьиэнэ Владимир Путин “РФ Аартыкатын 2035 сылга диэри сайдыытын уонна куттала суох буолуутун хааччыйыы Стратегията” диэн Ыйаахтары утуу-субуу таһаардылар. Аны туран, олус суолталаах “РФ Аартыкатын түөлбэтигэр урбааны тэнитиигэ судаарыстыба өйөбүлүн туһунан” федеральнай сокуону от ыйын 7 күнүгэр бигэргэттилэр. “РФ аҕыйах ахсааннаах төрүт омуктарын бырааптарын араҥаччылааһын туһунан” федеральнай сокуоҥҥа, дьэ, кэмниэ-кэнэҕэс аҕыйах ахсааннаах хотугу норуоттар биир сомоҕо реестрдэрин оҥоруу туһунан көннөрүү киирдэ. Ону сэргэ биһиги улахан баҕабыт – этнологическай экспертиза туһунан федеральнай сокуон ылыллыан. Билиҥҥитэ РФ Бырабыыталыстыбата балаҕан ыйын 18 күнүгэр таһаарбыт «Положение о порядке возмещения убытков, причиненных коренным малочисленным народам РФ...” диэн уурааҕа эрэ баар. Онно экспертиза булгуччулаах буолара этиллибэтэх, хардарыта сөбүлэһии сиэринэн эрэ мэктиэлэнэр. Оннук дьаһаныы аҕыйах ахсааннаах омукка охсуулааҕа сэрэйиллэр. Ол иһин бу боппуруоска өссө салгыы үлэлэһэбит. Бу сүҥкэн суолталаах докумуоннары ылыналларын туһугар улахан үлэ барда. Тус бэйэм федеральнай таһымнаах 16 тэрээһиҥҥэ тыл эттим. Ол туруорсууларым үксэ ити сокуоннарга-дьаһалларга учуоттаннылар. Холобур, билигин удьуор ууһунан олорор общиналары Аартыка резиденнэрин быһыытынан ааҕар буоллулар. Сокуоҥҥа аҕыйах ахсааннаах хотугу норуоттары өйүүргэ туһуламмыт туспа салаа баар буолбута үөрдэр. Өссө федеральнай бырагыраама оҥоһуллан, бэлэм сытар, илии баттанарын кэтэһэбит. Уһук Илин уонна Аартыка министиэри-стибэтигэр аҕыйах ахсааннаах хотугу норуоттар боппуруостарыгар сэбиэт тэрилиннэ. Онно биһигиттэн Августа Марфусалова уонна Александр Кугаевскай киирдилэр. Биир дьоһун хардыы – хоту сир хостонор баайын туһанар бырамыысыланнай тэрилтэлэри кытта олохтоохтор сыһыаннаһыыларыгар ыстандаартар бигэргэммиттэрэ буолар. Ол курдук, мантан ыла хампаанньалар сыл аайы туох туһаны бу тустаах түөлбэҕэ оҥорбуттарын, нэһилиэнньэни үлэнэн хааччыйбыттарын, ыччаты үөрэттэрэ ыыппыттарын, экологиятын чөлүгэр түһэрэр, айылҕатын харыстыыр үлэни тэрийбиттэрин, социальнай эбийиэктэри туппуттарын отчуоттуур буолуохтара. Уопсайынан, Аартыка сирин-уотун алдьата-айгырата буолбакка, төттөрүтүн сайыннара-тупсара барар соругу туруорар буолуохпут, ону сокуонунан ирдиэхпит, -- диир Елена Голомарева, Ил Түмэн аҕыйах ахсааннаах хотугу норуоттарын боппуруостарыгар уонна Аартыка дьыалаларыгар сис кэмитиэтин бэрэссэдээтэлэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением