Издательский дом Редакция Подписка
Погода в Якутске: . -16 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Ытык Дьааҥы сиригэр Сылгыһыт Күнэ алгыһы түhэрииттэн саҕаланыаҕа

Мария Архипова хаартыскаҕа түhэриитэ. 2023 с. / ЯСИА/ Кэлэр ый саҕаланыытыгар ытык Дьааҥы сиригэр Аартыка эргимтэтигэр тыа хаhаайыстыбатын сайдыытын итиэннэ хоту сир тыйыс айылҕатыгар саха сылгытын үөрдээн иитиини сайыннарыы кэскилин торумнуур аҕыс улуус…
29.03.24 18:26

Уопсастыба

Сунтаартан “Алгыс” түмсүү ыалдьыттаата

Өлөөҥҥө Сунтаартан “Алгыс» диэн аҕам саастаах дьон ансаамбыла, 11 киһилээх дэлэгээссийэ ыалдьыттаан барда. Ыраахтан кэлбит ыалдьыттар бастаан “Алакуо” норуодунай этно-фольклор ансаамбыл кыттыылаахтарын кытары көрүстүлэр. Күн иккис аҥаарыгар ыалдьыттар…
29.03.24 18:50

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Норуот дьокутааттара уонна толоруулаах былаас бэрэстэбиитэллэрэ оробуочай сүбэ мунньахха Усуйаана улууһун Хайыр сэлиэнньэтигэр оскуола-саад уонна Эбээн Бытантай национальнай улууһун Кустуур сэлиэнньэтигэр оскуола дьиэлэрин  тутуу боппуруоһун дьүүллэстилэр.

Норуот дьокутааттара уонна толоруулаах былаас бэрэстэбиитэллэрэ оробуочай сүбэ мунньахха Усуйаана улууһун Хайыр сэлиэнньэтигэр оскуола-саад уонна Эбээн Бытантай национальнай улууһун Кустуур сэлиэнньэтигэр оскуола дьиэлэрин  тутуу боппуруоһун дьүүллэстилэр.

Сүбэ мунньаҕы Ил Түмэн хотугу аҕыйах ахсааннаах төрүт норуоттар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева салайан ыытта. Видео-кэмпириэнсийэ сибээс көрүҥүнэн ыытыллыбыт тэрээһиҥҥэ СӨ үөрэҕин уонна наукаҕа миниистирэ Михаил Сивцев, кини солбуйааччыта Владимир Тихонов, СӨ тутууга миниистирин солбуйааччы Евгений Афанасьев, Усуйаана улууһун баһылыга Георгий Федоров, Эбээн Бытантай национальнай улууһун баһылыга Гаврил Горохов, Усуйаана улууһун «Омолой национальнай нэһилиэгэ» МТ баһылыга Борис Сыроватскай кыттыыны ыллылар.  

Үөрэх миниистирэ Михаил Сивцев иһитиннэрбитинэн, бүгүҥҥү күннээххэ Кустуур сэлиэнньэтигэр оскуола-саады тутуу боппуруоһа ыксаллаахтык тирээн турар, ол инниттэн эбийиэк бырайыактаах-симиэтэлээх докумуонун бэлэмниир үлэ саҕаланыахтаах. Биллэрин курдук, субу тохсунньу бүтүүтэ Кустуур оскуолатын дьиэтэ уокка былдьанан турар. Үөрэх миниистирэ этэринэн, туһааннаах министиэристибэлэр икки ардыларыгар сөбүлэһиилээх хардарыта дьайсыы боротокуола баттаммыт. Кустуур оскуолатын тутууга, Үөһээ Бүлүүгэ туһаныллыбыт чараас эркиннээх чэпчэки ыстаал конструкциялары төрүккэ ыларга быһаарыы ылыллыбыт.

Эбээн Бытантай улууһугар сылдьыбыт үөрэх миниистирин солбуйааччы Владимир Тихонов кырыа кыһын ортото үөрэнэр, үлэлиир дьиэтэ суох хаалбыт оҕолорго, педагогическай кэлэктиипкэ усулуобуйаны тэрийиигэ министиэристибэ уонна улуус дьаһалтата туох дьаһаллары ылбыттарын уонна олохтообуттарын туһунан кэпсээтэ. Ол курдук, 109 үөрэнээччи «Кэнчээри» оҕо саадын дьиэтигэр дьарыктана сылдьар. Оттон 57 кырачаан дьон култуура-успуорт комплексын самалык тутуллубут дьиэтин иччилээбиттэр.

Норуот дьокутаата Любовь Ябловская Аартыка  түөлбэтигэр бу оскуола тутуутун ураты хонтуруолга тутарга этии киллэрдэ уонна урут уокка былдьаммыт эбийиэктэр оннуларыгар тутуулара былааннанар оскуола дьиэлэрин анал реестрдэрин оҥорорго, эбийиэктэр тутуллууларын болдьохторугар олус ыар охсуулаах тырааныспар исхиэмэтин, тиэйии-таһыы, тиэрдии  уустук  кыһалҕаларын учуоттуурга эттэ. Маны таһынан, Любовь  Леонидовна Хотугу сиргэ (дьиэни курдары үрэн кэбиһэр өрүүтүн тымныы тыаллаах-куустаах усулуобуйаҕа) чэпчэки ыстаал конструкцияларынан тутууну ыытыы сөбө суоҕар тохтоото. Хотугу килиимэккэ маннык дьиэлэр хаачыстыба өттүнэн сөп түбэһэллэригэр саарбахтыырын туһунан этэн туран, биир холобуру аҕалла. Орто Халыма Березовкатыгар саҥардыыҥҥыта соҕус ити ааттанар матырыйаалынан тутуллубут оскуола хайыы-үйэ өрөмүөҥҥэ наадыйар, сыл аайы бүддьүөттэн мыыныыта суох үбү-харчыны эрэйэр буолбут.

Норуот дьокутаата Иван Андреев оскуола бырайыактаах-симиэтэлээх докумуонун үбүлээһин боппуруоһун бастакы уочарат быһаарарга этэн туран, «бу дьыалаҕа Саккырыыр оскуолатын  боппуруоһа ханнык да түбэлтэҕэ бииргэ сыбанан хаалыа суохтаах, бу икки тус-туһунан оскуолалар буолаллар» диэтэ. Иван Андреев үөрэх тэрээһинигэр сыһыаннаах кэккэ боппуруостарга тохтоон туран, оҕолору күүтэр биир кэлим эксээмэннэри туттарыы курдук уустук уонна эппиэттээх дьыалаҕа ураты болҕомтону уурарга ыҥырда. Норуот дьокутаата Елена Голомарева Кустуур оскуолатын тутуутун бырайыактаах-симиэтэлээх докумуонун резервнэй пуондаттан үбүлээһин наадатын туһунан дьокутааттар СӨ Бырабыыталыстыбатын Бэрэссэдээтэлэ Андрей Тарасенкоҕа сурук суруйуохтара диэн иһитиннэрдэ.

Сүбэ мунньах кыттыылаахтара салгыы Усуйаана улууһун Хайыр сэлиэнньэтин оскуолатын тутуутун боппуруоһугар тохтоотулар. Елена Голомарева дьокутааттар бу оскуола тутуутун боппуруоһун сыл ахсын туруоран кэлбиттэрин бэлиэтиир. Оскуола тутуута өрөспүүбүлүкэ инвестиционнай бырагырааматыгар киллэриллэн турар. Нэһилиэк олохтоохторо дьокутааттарга кэлэктиибинэй сурук суруйбуттара.

Үөрэх миниистирэ бэлиэтээбитинэн, миэстэтигэр тутуллуохтаах эбийиэк кээмэйигэр хайдыһыы баар. Улуус уонна нэһилиэк дьаһалталара 80 үөрэнээччилээх уонна 40 кыракый иитиллээччилээх оскуола-саады тутарга туруорсаллар. Оттон урукку былаанынан эбийиэк 50 уонна 10 миэстэлэрдээх буолуохтаах эбит. Экэниэмикэ министиэристибэтигэр нэһилиэк демографическай балаһыанньатынан учуоттанан оҥоһуллубут докумуон баар буолуохтаах. Сүбэ мунньахха кыттыбыт Хайыр баһылыга Борис Сыроватскай билигин оскуола 56 үөрэнээччилээҕин, оҕо саада 29 иитиллээччилээҕин этэн туран, сэлиэнньэҕэ оҕо төрөөһүнэ эбиллэн иһэрин бэлиэтиир. Нэһилиэк баһылыга тутуллуохтаах оскуола-саад кээмэйин хаттаан көрөрү туруоруста.

Елена Голомарева оскуолалары уонна саадтары холботолоотоххо оптимизациялааһын ыытыллыа суоҕа дуо диэн үөрэх миниистириттэн ыйытта. Миниистир оптимизация буолуо суоҕа диэн дьокутааты уоскутта. Кини этэринэн, салайар персонал боппуруоһа чуолкайданыаҕа. Бу икки тэрилтэ холбостохторуна,  оҕо саадын сэбиэдиссэйэ үөрэх учреждениетын дириэктэрин  солбуйааччытын дуоһунаһын сүгүөҕэ. Түмүккэ, дьокутааттар миниистир Михаил Сивцев хотугу оскуолалар боппуруостарын быһаарыыга, кэтэмэҕэйдээһинэ суох сорунуулаах быһаарыныылааҕын биһирээн бэлиэтээтилэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением