Издательский дом Редакция Подписка
Погода в Якутске: . 11 oC
КУРС ЦБ: $ 72,86 | 88,65

РФ Бырабыыталыстыбата бу күннэргэ Арассыыйа Аартыкатааҕы түөлбэлэрин социальнай-экэнэмиичэскэй өттүнэн сайдыыларын түстүүр судаарыстыбаннай бырагырааманы бигэргэттэ. Бырагыраама 2024 сылга диэри үлэлиир болдьохтоох, итини олоххо киллэриигэ 19,5 млрд. солк. көрүллэр. Сылларынан аттарар буоллахха, бырагырааманы олоххо киллэриигэ 2021 сылга 3,4 млрд. солк., 2022 сылга 6 млрд. солк., 2023 сылга 5,1 млрд. солк., 2024 сылга 4,9 млрд. солк. тыырыллыаҕа.

РФ Бырабыыталыстыбата бу күннэргэ Арассыыйа Аартыкатааҕы түөлбэлэрин социальнай-экэнэмиичэскэй өттүнэн сайдыыларын түстүүр судаарыстыбаннай бырагырааманы бигэргэттэ. Бырагыраама 2024 сылга диэри үлэлиир болдьохтоох, итини олоххо киллэриигэ 19,5 млрд. солк. көрүллэр. Сылларынан аттарар буоллахха, бырагырааманы олоххо киллэриигэ 2021 сылга 3,4 млрд. солк., 2022 сылга 6 млрд. солк., 2023 сылга 5,1 млрд. солк., 2024 сылга 4,9 млрд. солк. тыырыллыаҕа.

Елена Голомарева, Ил Түмэн Хотугу төрүт олохтоох аҕыйах ахсааннаах норуоттар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ:

- Бу күннэргэ РФ Бырабыыталыстыбата Аартыка түөлбэтин социальнай-экэнэмиичэскэй сайдыытын судаарыстыбаннай бырагырааматын бигэргэттэ. Докумуоҥҥа ыйылларынан, 2024 сылга диэри бу бырагырааманы олоххо киллэриигэ 19,5 млрд. солк. көрүлүннэ. Стратегия сүрүн сыала-соруга - дойдуга куттал суох буолуутун, Арассыыйа экэниэмикэтин бөҕөргөтүүгэ Аартыка сиригэр-уотугар киирэр эрэгийиэннэр олохторун-дьаһахтарын сайыннарыыга туһуланар. Манна доруобуйа харыстабылын эйгэтин саҥалыы технологиянан хааччыйыыга, тулалыыр эйгэни уонна аҕыйах ахсааннаах Хотугу норуоттар култуураларын харыстааһыҥҥа тус сыаллаах үбүлээһин көрүллүөҕэ.

Бырагырааманы олоххо киллэрии хонтуруола РФ Уһук Илиҥҥи уонна Аартыка министиэристибэтигэр сүктэрилиннэ. Уһук Илин уокуругу сайыннарыыга биир кыһалҕанан эрэгийиэннэр бүддьүөттэрин хааччыллыыта дьоҕуһа буолар. 11 субъектан 10-нун бүддьүөтүн таһыма, РФ Үбүн министиэристибэтин дотациятын кэнниттэн, Арассыыйа орто көрдөрүүтүттэн намыһах. Онон РФ Бэрэсидьиэнэ туруорбут бүгүҥҥү сүрүн соруга -- дьон олоҕун хаачыстыбатын тупсарыы, дьиэни-уоту күүскэ тутуу, экэниэмикэни бөҕөргөтүү, оҥорон таһаарыыны улаатыннарыы...

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ