Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Бу күннэргэ Ил Түмэҥҥэ  «СӨ нэһилиэнньэлээх пууннары гаастааһыны сокуон өттүнэн бэрээдэктээһин» диэн бырабыыталыстыба чааһын мунньаҕын туһунан матырыйаалы саайпытыгар таһаарбыппытыгар,   олохтоохтор Мэҥэ Хаҥалас Өлөчөйүгэр, Сыымаҕар, Хорообутугар  уонна  Чурапчы Хатылытыгар  гаас ситимэ хаһан тардылларын ыйытан иһитиннэрии хаалларбыттар этэ.

Бу күннэргэ Ил Түмэҥҥэ  «СӨ нэһилиэнньэлээх пууннары гаастааһыны сокуон өттүнэн бэрээдэктээһин» диэн бырабыыталыстыба чааһын мунньаҕын туһунан матырыйаалы саайпытыгар таһаарбыппытыгар,   олохтоохтор Мэҥэ Хаҥалас Өлөчөйүгэр, Сыымаҕар, Хорообутугар  уонна  Чурапчы Хатылытыгар  гаас ситимэ хаһан тардылларын ыйытан иһитиннэрии хаалларбыттар этэ.

Ааҕааччыларбыт ыйытыыларыгар сөптөөх эппиэти биэрэр инниттэн  СӨ бырамыысыланнаска уонна геологияҕа миниистирин бастакы солбуйааччы Михаил Кириллинтэн ыйыталаспыппытыгар, «Бүтэйдээхтэн Өлөчөйгө диэри гаас ситимин тардар сыалтан  2021-2022 сылларга бырайыагы оҥорторорго өрөспүүбүлүкэ бүддьүөтүттэн  үп көрүллэригэр сөптөөх үлэни ыыта сылдьабыт. Нэһилиэккэ диэри тардыллыахтаах ситим бырайыагар  7 мөл. солк. уонна  иһинээҕи ситими оҥоруу бырайыагар  8 мөл. солк. көрүллүөхтээх. Итини тэҥэ,  Бүтэйдээхтэн  Өлөчөйгө диэри ситими оҥорууга 35 мөл. солк. уонна нэһилиэк иһинээҕи  ситимин тардыыга  26 мөл. солк.   тыырыллыахтаах.  Онон 2021-2020 сылларга бырайыак оҥоһулуннаҕына, үлэ саҕаланыаҕа. Санатар буоллахха,   магистральнай гаас ситимин аттыгар сытар нэһилиэктэргэ сүрүн болҕомто ууруллар.  Оттон Сыымахха, Хорообукка  гаас ситимин тардыы  билиҥҥитэ былааҥҥа суох. Бастаан утаа  Өлөчөйгө кэллэҕинэ эрэ,  Сыымахха уонна Хорообукка  тардыллар сорук туруоҕа.

Чурапчы улууһун Хатылытыгар урукку бырайыагынан Тааттатааҕы магистральнай ситимтэн тардыллыахтаах этэ. Билигин ити уларыйбыта.   Чурапчы улууһун дьаһалтатын кытта быһаарсан баран,  Чурапчы сэлиэнньэтигэр баар  гааһы үллэрэр ыстаансыйаттан ситими Хатылыга диэри (7 км. уһуннаах) тардар быһаарыныыны ылынныбыт. Аны туран,   Хатылы иһинээҕи  уонна нэһилиэктэр икки ардыларынааҕы (Чурапчы – Хатылы хайысха) гаас ситимнэрин  тардыы  бырайыактарын үбүн нэһилиэк уонна улуус  дьаһалталара уйуннулар. Ол иһин ити боппуруос түргэнник быһаарылынна. Чурапчы улууһун дьаһалтатын курдук Мэҥэ Хаҥалас улууһун дьаһалтата  нэһилиэктэригэр  гаас ситимин тардыыга  көмөлөһөрө буоллар,  үлэ быдан түргэнник хамсыах этэ», -- диэн быһааран биэрдэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ