Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

2020 сылга Нерюнгри оройуонугар Эльгэтээҕи сиргэ чох хостуур «ЭльгаУголь» хампаанньа 7 мөл. туонна чоҕу хостообут. 2021 сылга 18 мөл. туоннаны хостуур былааннаах. Ол туһунан СӨ баһылыгын уонна бырабыыталыстыбатын пресс-сулууспата иһитиннэрэр.

2020 сылга Нерюнгри оройуонугар Эльгэтээҕи сиргэ чох хостуур «ЭльгаУголь» хампаанньа 7 мөл. туонна чоҕу хостообут. 2021 сылга 18 мөл. туоннаны хостуур былааннаах. Ол туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Ил Дархан Айсен Николаев Эльгэтээҕи бырайыак Саха сирин экэниэмикэтигэр эрэ буолбакка, бүтүн дойду экэниэмикэтигэр улахан суолталааҕын ыйбыт. «Биһиги бу бырайыак дойду биир сүдү бырайыагынан буоларын туһунан кэпсэппиппит ыраатта. Ол эрээри урукку бас билээччи ону ситиспэтэҕэ. Хампаанньа бүгүҥҥү салалтатын көмөтүнэн бырайыак кыаҕын ылан эрэр. 2021 сылга 18 мөл. туонна чоҕу хостуурга сорук туруоруннулар. Оттон былырыын өрөспүүбүлүкэ үрдүнэн 20 мөл. туонна чох хостоммута. Ол аата быйыл аҥаардас «ЭльгаУголь» хампаанньа былырыыҥҥы хостонуллубут чох  кээмэйин хостуоҕа», -- диэн эппит.

Элгэтээҕи сиргэ чох хостооһун 2011 сылтан саҕаламмыт, манна 2,2 млрд. туонна чох саппааһа баарын быһаарбыттар. «ЭльгаУголь» хампаанньа 2023 сылга 45 мөл. туонна чоҕу хостуурга соруктаммыт. 2025 сылга вахтанан үлэлиир дьон олорор бөһүөлэктэрин тутар былааннаахтар. 2018 сылтан хампаанньа «Олохтоох каадырдары – бырамыысыланнаска» бырайыакка кыттар. Хампаанньаҕа 576 киһи үлэлиириттэн 262-тэ олохтоох дьон.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ