Бүгүҥҥү балаһыанньа хайдаҕын-тугун Абый улууһун баһылыга Станислав Цюхцинскайга төлөпүөнүгэр эрийэн ыйытыласпыппытыгар: «Билигин аҕай бөртөлүөтүнэн баһаары көрөн кэллим. Балаһыанньа оннук-айылаах уустук буолбатах. Икки күннээҕитэ, кырдьык, Сутуруоха нэһилиэгэр лаппа чугаһыы сылдьыбыта. Баһаар нэһилиэк аттыгар Уһун Айаан диэн күөл уҥуор умайар. Билиҥҥи туругунан уоту нэһилиэккэ аҕалбат сыалтан 60 киһи икки биригээдэҕэ арахсан, анал ханаабалары хастылар, дьуһуурустубалыыллар, икки тыраахтыр көмөлөһөр. Саамай сүрүнэ, уоту нэһилиэк аттыгар аҕалыа суохтаахпыт. Вассаапка дизельнэй станция аттыгар уот чугаһаабыт диэн суруйаллара адьас сымыйа, оннук буолбатах», - диэн кэпсээтэ.
- 0
- 0
- 0
- 0
- 0
- 0