Кустуур нэһилиэгин баһылыга Константин Старостиҥҥа төлөпүөнүгэр эрийэн тиийэн ыйыталаспыппытыгар: “Хаһыс да күммүтүн уоту утары охсуһа сылдьабыт. Кустууртан 50-ча киһи тахсан үлэлии сылдьар, биир ДТ-75 уонна икки МТЗ-82 тыраахтырдар көмөлөһөллөр. Үчүгэйэ диэн, уот хайа диэки хайыста, онон нэһилиэк диэки кэлэрэ тохтоото. Түүннэри-күнүстэри дьуһуурустубалыыбыт. Тыраахтырдар сири тиэрэн ханааба хастылар. Сарсын оройуоммут кииниттэн бөртөлүөт күүстээх носуостары (помпалары), араас малы-салы аҕалыахтаах. Уопсайынан, быйыл кураан сайын кэллэ. Халлаантан биир таммах түспэтэҕэ ыраатта”, -- диэн билиһиннэрдэ.
- 0
- 0
- 0
- 0
- 0
- 0