Бүгүҥҥү балаһыанньа хайдаҕын-тугун билсээри Дьааҥы улууһун баһылыга Гаврил Чириковтыын төлөпүөнүнэн кэпсэтэ сырыттыбыт. «Балаһыанньа уустук соҕус. Аттыбытыгар икки ойуур баһаара умайар. Иккиэннэрин бу күннэргэ ханааба  хаһан тохтотор үлэни ыыппыппыт үрдүнэн бэҕэһээ күүстээх тыал түһэн,  баһаарбыт өссө сэтэрээн,  уоту  Дьааҥы өрүс боротуохатын уҥуор  быраҕаттаан өссө улаатарга дылы гынна. Баатаҕайга нефтебаза аттыгар 300 м. кэриҥэ чугаһаан ыксаталыы сырытта. Билигин да 600 м курдук сиргэ умайар, онон күнүстэри-түүннэри ол манабыла. Билиҥҥи туругунан баһаары утары 100 киһи, 20 тиэхиньикэ үлэлиир”, - диэн Гаврил Ильич иһитиннэрдэ.