СӨ Экологияҕа министиэристибэтэ иһитиннэрэринэн, өрөспүүбүлүкэ иһигэр 18 ойуур баһаарын умуллара сылдьаллар. Онтон 7 уот төгүрүтүллүбүт.
Ааспыт сууккаҕа Горнай улууһугар 1 ойуур баһаарын умуллардылар. Ону таһынан хонтуруолга киирбит зонаттан 7 уоту умуллардылар. Бүгүҥҥү дааннайынан, ойуур баһаардарын умулларыыга 754 киһи уонна 62 тиэхиньикэ үлэлии таҕыста.
Күн бүгүн ыраах, тиэхиньикэ кыайан тиийбэт сирдэригэр 65 термо-туочука баара бэлиэтэнэр. Балар уопсай иэннэрэ 255 394 гаҕа тэҥнэһэр. Билигин ити уоттары спутнигынан кэтээн көрө олороллор.
Билиҥҥитэ нэһилиэнньэлээх пууннарга уонна экэниэмикэ эбийиэктэригэр кутталы үөскэтэр ойуур баһаардара бэлиэтэммэттэр.
- 0
- 0
- 0
- 0
- 0
- 0