– Бүгүн Дьокуускайы икки тохтотуллубут ойуур баһаарын буруолара кэлэн саба бүрүйдүлэр. Биир уот Сангаар сиригэр-уотугар, иккис – Уус Алдаҥҥа бааллар. Хотуттан үрэр тыал ити буруолары өрөспүүбүлүкэ киин куоратыгар мэҥэһиннэрэн аҕалла. Өскөтүн тыал хайысхатын уларыттаҕына, буруо эмиэ сүтэн-симэлийэн хаалыан сөп, – диэн Ойуур авиа-харыстабылын начальнига Владимир Леонов иһитиннэрдэ.
Кылаабынай баһаарынай Дьокуускай эргимтэтигэр, 250-300 км иһинэн, ойуур баһаардара бары умуруоруллубуттарын бэлиэтээтэ. Бүгүҥҥү туругунан, өрөспүүбүлүкэ сиригэр 5 улахан ойуур баһаара умайа турар.
– Ленскэй, Дьокуускай уонна Нам баһаардарын хаайдыбыт. Ити уоттар улахан буруону таһаарбаттар, – диэтэ.
-
0
-
0
-
0
-
0
-
0
-
0
