Издательский дом Редакция Подписка
Погода в Якутске: . 19 oC
КУРС ЦБ: $ 74,30 | 88,17

 Массыыналар контейнерга эрэ баар бөҕү тиэйэн илдьэллэр. Таһыгар ыһылла-тоҕулла сытары ылбаттар, оннук хаалар. Ким ону дьаһайыахтааҕый? Бөх быраҕар сири хомуйуу ким эбээһинэһигэр киирэрий?

  Прасковья.

 Массыыналар контейнерга эрэ баар бөҕү тиэйэн илдьэллэр. Таһыгар ыһылла-тоҕулла сытары ылбаттар, оннук хаалар. Ким ону дьаһайыахтааҕый? Бөх быраҕар сири хомуйуу ким эбээһинэһигэр киирэрий?

  Прасковья.

Саха Өрөспүүбүлүкэтин Тутууну уонна дьиэни-уоту хонтуруоллуур судаарыстыбаннай управлениетын салайааччытын бастакы солбуйааччы Влад Михайлович Пермяков хоруйдуур

--Өскөтүн контейнер турар былаһаакката элбэх кыбартыыралаах дьиэ территориятыгар киирэр уонна олохтоохтор бас билэр хамсаабат уопсай баайдара буоллаҕына, РФ сокуонунан бөх быраҕар сири көрүү-харайыы, чэнчистик тутан олоруу салайар хампаанньаҕа (УК, ТСЖ, ЖСК, о.д.а.) сүктэриллэр. Тустаах санитарнай туочуканы кинилэр ыраастыахтаахтар, ыһыллыбытын хомуйан чөкөтүөхтээхтэр, бөҕүн-сыыһын харбыахтаахтар. Оттон кытаанах коммунальнай бөҕү (ТКО) тиэйиигэ эппиэттээх -- “Экосети” эрэгийиэннээҕи оператор. Маныаха бөҕү контейнертан кутарыгар тохтоҕуна-ыстаҕына, ону тута бэйэлэрэ ыраастыахтаахтар,  ыһан-тоҕон баран  барыа суохтаахтар.

Халлаан туруга 5 кыраадыстан тымныы буоллаҕына, бөҕү үс суукка иһигэр биирдэ булгуччу  тиэйиэхтээхтэр. Оттон 5 кыраадыстан итийдэҕинэ – күн аайы. Хас да күн мунньуллар буоллаҕына, эрэгийиэннээҕи операторга быһаччы эрийэн этиэх тустааххыт.

Чааһынай дьиэлэр бөх быраҕар сирдэрин, контейнердарын көрүү-харайыы, оҥорон туруоруу, хонтуруол -- барыта  олохтоох бэйэни салайыы уорганыгар сүктэриллэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ