-- “Роскосмос” үлэтигэр кыттыыны ылар эрэгийиэн буолабыт. “Восточнай” космодромтан сотору-стору “Союз-2”, “Союз-2.1а”, “Союз-2б” курдук тииптээх ракеталар (РН) көтөллөр. Олор аллараа орбитанан сылдьар спутниктары таһаараллар. Ол спутниктар үөһэттэн навигация хаартатын көрөргө, күн-дьыл туругун кэтииргэ, интэриниэт сибээһин олохтуурга туһалаахтар. Быһата, күннээҕи олохпутугар бары ити көтөр эбийиэктэр өҥөлөрүнэн туһана сылдьабыт.
Ахсынньы 18 күнүгэр көтөр “Союз-2.1б” ракета “OneWeb” 36 спутнигын куйаарга илдьэр. Көтөрү;гэр бастакы сүһүөҕэ (капот створки) Алдан улууһугар түһэр. Иккис сүһүөҕэ (двигатель) – Кэбээйи Сэбээн Күөлүгэр.
Биһиги министиэристибэбит куйаар аалын эттиктэрэ тулалыыр эйгэҕэ, олохтоох нэһилиэнньэҕэ туох да хоромньуну таһаарбаттарын хааччыйар эбээһинэстээх. Онон экологическай мониторины ыыта олоробут. Ол түспүт тобохтору була охсон, суох гыналларын модьуйабыт, ыраастыыр болдьохторун тутуһуннарабыт, -- диэн хоруйдаабыта экология миниистирэ Сахамин Афанасьев быһа эпииргэ.
Алдан уонна Кэбээйи улуустарыгар 10-нуу киһилээх быһааччылар биригээдэлэрэ бэлэм сылдьар. Туох эмэ саахал таҕыстаҕына, өссө саппаас биригээдэлэр бааллар.
- 0
- 0
- 0
- 0
- 0
- 0