Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Тоҥ мутук тосту ыстанар тымныыта олус уһуннук турбутуттан оннооҕор сылаас дьиэҕэ олорор икки атахтаахтар салҕан, сылайа быһыытыйдыбыт. Эгэ, аһаҕас халлаан анныгар сылдьар көтөргө-сүүрэргэ төһөлөөх суоһар буолуон санаатахха, санаа тиийбэт. Ол даҕаны иһин, бу күннэргэ дөйө тоҥмут эбэтэр көһүйэн хаалбыт көтөр кынаттаахтары айан суолун кытыытыгар үгүстүк түбэһэ көрөр, булар буоллулар.

Тоҥ мутук тосту ыстанар тымныыта олус уһуннук турбутуттан оннооҕор сылаас дьиэҕэ олорор икки атахтаахтар салҕан, сылайа быһыытыйдыбыт. Эгэ, аһаҕас халлаан анныгар сылдьар көтөргө-сүүрэргэ төһөлөөх суоһар буолуон санаатахха, санаа тиийбэт. Ол даҕаны иһин, бу күннэргэ дөйө тоҥмут эбэтэр көһүйэн хаалбыт көтөр кынаттаахтары айан суолун кытыытыгар үгүстүк түбэһэ көрөр, булар буоллулар.

Орнитолог Евгений Щемякин быһаарарынан, куорат таас дьиэлэригэр дугуйданар барабыай чыычаах тымныыга тыыннаах буоларын туһугар элбэх сэниэтин барыыр, Саха сиригэр кыһын устата бүттүүн үөртэн 90 бырыһыаҥҥа тиийэ сүтүк тахсар эбит. Айылҕа ону оһорон, барабыайы хадаҕалыыр: сайын устата 8-тыыга тиийэ оҕонон 2-3 төгүл төрүүр. Холууп эмиэ элбэхтэ төрүүр гынан баран, биир сырыыга 2 иҥин эрэ оҕолонор, ол иһин үөтэлээбэт.

Быйылгы курдук 50-60 кыраадыстаах бачыгырас тымныыга төһөлөрө тыыннаах ордуохтарын дуу, имири эстиэхтэрин дуу айбыт таҥара эрэ билэн турдаҕа. “Куорат иһигэр баар көтөрдөрү сайын аайы ааҕабыт. Анал методикалаахпыт”, -- диир орнитолог. Ити хаартыскаҕа көстөр тоҥон хаалбыт чыычаахтар – татыйыктар (нууччалыыта синицалар). Бу кэлии көтөрдөр  Дьокуускайга ааспыт үйэ 50-с сылларыттан олохсуйбуттар, куорат ыырыттан ырааппаттар эбит.

"Кыһын көтөрдөрү эбии аһата сылдьыахха наада. Дьиэ көтөрдөрүгэр, чыычаахтарыгар анаан оҥоһуллар аһылыктарынан. Сыаны кырбастаан биэрдэххэ, олус сөбүлээн сииллэр. Сыа сэниэ биэрэр, син биир киһиэхэ курдук, тымныыны тулуйалларыгар көмөлөһөр", -- диир орнитолог. 

Оттон бочугурастар – айылҕа оҕолоро тоҥон өлбүттэрин Евгений дьиктиргиир. “Өлүктэрин аҕалаллара буоллар, арыйан, эттээн, чинчийэн көрөн, туохтан өлбүттэрин быһаарыах этибит. Баҕар, ыарыыттан буолуо”, -- диир Евгений.  Хабдьы, куртуйах, улар сиртэн сиргэ көһө, айанныы сылдьар буоланнар, тымныыга улаханнык бэринимиэхтэрин сөп, оттон бочугурас олохсуйбут тыатыттан арахпат, онон быстарар буолуохтаах. Ол даҕаны буоллар, мас көтөрө хаар анныгар киирэн, тымныыттан куотуон сөп этэ. Ас көрдөнөн, онон тымныыга хам ыллараахтыыллара буолуо. Эбэтэр, Евгений этэрин курдук, төрүкү ыарыылаах буолан мөлтөөн-ахсаан биэрэллэрэ дуу?..

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ