2020 сыл ахсынньы 18 күнүгэр Кэбээйи улууһугар “Союз-2” тобохторун булбуттара. “Роскосмос” былаанынан, тобохтору кулун тутар 11-19 күннэригэр хомуйуохтаахтар. Аракыата эттиктэрэ түспүт сирин айылҕа харыстабылын үлэһиттэрэ чинчийэ барыстылар.
Ахсынньы 18 күнүгэр “Союз-2” аракыата “Восточнай” космодромтан улуу куйаарга күөрэйбитэ. Ити көтүү кэмигэр арыкыатаны сүгээччи эттиктэрэ Алдан уонна Кэбээйи сиригэр саккыраабыттара.
Даҕатан эттэххэ, кулун тутар 18 күнүттэн иккис “Союз-2” көтүүтүгэр бэлэмнэнии саҕаланар. Бу сырыыга улуу куйаарга “OneWeb” аппарааты таһаарыахтара. Бу аракыата кулун тутар 25 күнүгэр “стартыыра” былааннанар. Аракыата тобохторун хомуйуу анал дуогабарга олоҕуран барар диэн “Роскосмос” иһитиннэрэр.
- 0
- 0
- 0
- 0
- 0
- 0