Издательский дом Редакция Подписка
Погода в Якутске: . 11 oC
КУРС ЦБ: $ 72,86 | 88,65

Экологическай билии күнүн көрсө, Дьокуускайга "Smart 2.0.3" бибилэтиэкэҕэ Аартыка норуоттар икки ардыларынааҕы оскуолатын педагог-иитээччитэ Анастасия Дарбасова саһарҕа хоптотун мүччүргэннээх сырыыларын туһунан экологическай остуоруйатын иккис кинигэтин ааҕааччыларга билиһиннэрэр тэрээһинэ буолан ааста.

Экологическай билии күнүн көрсө, Дьокуускайга "Smart 2.0.3" бибилэтиэкэҕэ Аартыка норуоттар икки ардыларынааҕы оскуолатын педагог-иитээччитэ Анастасия Дарбасова саһарҕа хоптотун мүччүргэннээх сырыыларын туһунан экологическай остуоруйатын иккис кинигэтин ааҕааччыларга билиһиннэрэр тэрээһинэ буолан ааста.

11

Бастакы остуоруйатыгар сирбит-уоппут аны 30 сылынан, өскөтүн тулалыыр эйгэҕэ маннык харыстабыла суох сыһыаннаһар буоллахпытына, хайдах айгырыан сөбүн ойуулаабыт эбит буоллаҕына, бу иккис кинигэтигэр киһи күүс-уох ылар сүмэһинэ ыраас уу буоларын оҕолорго өйдөппүт.  Айымньы аата "Приключения розовой чайки и ее друзей. Вода -- волшебный сок жизни" диэн.

 Бу саһарҕа хоптотун туһунан остуоруйалар сиэрийэлэрин көҕүлээн таһаарааччынан СӨ Дьахталларын сойууһа буолар. Оттон бэчээккэ бэлэмнээн таһаарааччы - СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтэ. Чопчулаан эттэххэ, нэһилиэнньэни экологическай сырдатыыга департаменын исписэлииһэ Ньургуйаана Гуринова кинигэ тахсыытын сүрүннүүр. Кини уонна СӨ Дьахталларын сойууһун бэрэссэдээтэлэ Анжелика Андреева презентацияны иилээн ыыттылар.

4 2

   --Саһарҕа хоптото диэн нууччалыы "розовая чайка" диэн. Бу чыычаах барыларыттан дьүһүнүнэн ураты. Фламинго курдук аһылыктанар буолан, өҥө тэтэрэн көстөр. Лыах курдук көтөр. Саамай кэрэхсэбиллээҕэ -- куолаһа олус улахан. Саһарҕа хоптото ханна уйа туттарын өр кэмҥэ ким да билбэт этэ. Канадаҕа, Японияҕа көрдүү сатаабыттара да, булбатахтара. Онтон 1905 сыллаахха Арассыыйа учуонайа Сергей Бутрулин хотугу көтөр буоларын быһаарбыта, -- диэн кэпсиир тэрээһиҥҥэ ыҥырыллан кэлбит  орнитолог, Биология уонна криолитозона проблемаларыгар институт үлэһитэ Мария Владимирцева.

8 1

  Бу остуоруйа сахалыы тылбаастаммыт бастакы кинигэтин Дьокуускай "Күнчээн" оҕо уһуйаанын "Сулусчаан" бөлөҕө туруорбута.

   -- "Айылҕа оҕолоро" диэн бырайыагынан үлэлээбитим түмүгэр бу остуоруйаны туруорар чиэскэ тиксибитим. Саха сирин сэдэх кыылларын-көтөрдөрүн оҕолорго билиһиннэрэр туһуттан көстүүмнэри тиктибиппит. Онтукабыт оруобуна бу остуоруйа дьоруойдара буолан биэрбиттэрэ. Онон биир ый иһигэр муусукаалынай салайааччыбыт Иванова Ирина Анатольевналыын туруоран, киинэҕэ уһуллан, "Саха" НКИХ ханаалыгар кытта көстүбүппүт. Аны өссө иккис остуоруйаны былаанныыбыт, -- диир иитээччи Оксана Дмитриевна Гаврильева.

9 1

     Дьоро күнү Аартыка норуоттар икки ардыларынааҕы оскуолатын үөрэнээччилэрин хоһооно, Тулагы П.И. Кочнев аатынан оскуолатын 5 "б" кылааһын үөрэнээччилэрин (сал. Л.Г.Дьячковская) "Көрдөһүү" литературнай дьүһүйүүлэрэ, «Водное царство Якутии» муодалара киэргэттилэр.

5 2

6 1

10

Комментарии (1)

This comment was minimized by the moderator on the site

Сана кинигэ тахсара олус кэрэ сонун. Экология тематыгар туьааннаа5а , ол таьынан о5олорго билинни кестууну этэр буолла5ына туьата улахан. Кэмигэр тахсыбыт кинигэ.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ