Издательский дом Редакция Подписка
Погода в Якутске: . 27 oC
КУРС ЦБ: $ 72,86 | 88,65

Ыам ыйын 4 күнүгэр Өлүөнэ өрүс мууһа Иркутскай уобаласка уһунна. Ол аата Ленскэй улууһун Витим бөһүөлэгэр 600 км чугаһаата.   

Ыам ыйын 4 күнүгэр Өлүөнэ өрүс мууһа Иркутскай уобаласка уһунна. Ол аата Ленскэй улууһун Витим бөһүөлэгэр 600 км чугаһаата.   

Саха сирин гидрометеорология салалтатын иһитиннэриитинэн, Саха сиригэр Өлүөнэ мууһа ыам ыйын 9-10 күннэригэр устара сабаҕаланар. Ити, урукку сыллары кытта тэҥнээтэххэ, 1-2 күнүнэн хойутаата.

Өлүөхүмэ улууһугар өрүс ыам ыйын 8-9 күннэригэр устара күүтүллэр, ол эбэтэр нуорматтан 2 күн хойутаата. Алдан өрүскэ уонна кини салааларыгар уу таһыма сууккаҕа 5-20 см. эбиллэ турар. Билигин өрүс хамсаабакка турар.

Амма өрүскэ уу таһыма кыралаан эбиллэр. Ыам ыйын 7-8 күннэригэр хамсыыра сабаҕаланар. Оттон ыам ыйын 9-11 күннэригэр күүскэ устан барара күүтүллэр. Ити нуормаҕа сөп түбэһэр.

Бүлүү өрүс Сунтаар аннынан уутун эбэ турар. Сууккаҕа 1-5 см эбиллэр. Бүлүү салааларыгар уу таһыма биллэ эбилиннэ. Ити нуорматтан 1-4 күнүнэн эрдэлээтэ.

Хотугу уонна хотугу-илиҥҥи улуустарга күн-дьыл кыһыҥҥылыы киэбинэн турар.

Билигин ыам ыйын 1 күнүттэн Суола, Таатта, Матта, Марха өрүстэргэ кэтээн көрүү үлэтэ тэрилиннэ.

   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ