Өлүөхүмэҕэ уу таһыма 738 см тэҥнэһэр. Муҥутуур кутталлаах кирбиитэ – 1350 км. Билигин муус алын кытыыта Хоро нэһилиэгиттэн 10 км аллараа сылдьар, үөһээҥҥи кытыыта Солянкаҕа тиийдэ.

Ыам ыйын 15-17 күннэригэр Покровскай учаастагар муус устара күүтүллэр.

Алдан өрүс мууһа Алдан, Уус Маайа уонна Томпо улуустарыгар уста сытар. Ыам ыйын 15-20 күннэригэр Үөһээ Дьааҥы-Перевоз-Батамай хайысхатынан муус хамсыыра сабаҕаланар.

Амма өрүс Аммаҕа, Чурапчыга уонна Тааттаҕа уста сытар. Сорох сиринэн хара-хара устар. Уһуна 324 км тэҥнэһэр.

Бүлүү өрүс Сунтаар, Ньурба уонна Үөһээ Бүлүү улуустарынан бытааннык уста сытар. Суукка устата 20 км иннин диэки хамсаата. Уһуна 447 км тэҥнэһэр.

Өлөөн өрүс 13-14 хонугунан эрдэлээн уһугунна. Өлөөн улууһугар мууһун хамсата сытар. Суукка устата муус 318 км уһунна.

Дьааҥы өрүскэ уу муус үрдүгэр таҕыста. Индигииркэ өрүскэ сууккаҕа уу таһыма 5-40 см үрдүү турар.

РФ Ыксаллаах быһыыга-майгыга министиэристибэтин Саха сиринээҕи кылаабынай салалтатын дааннайынан.