Издательский дом Редакция Подписка
Погода в Якутске: . 27 oC
КУРС ЦБ: $ 72,86 | 88,65

“Өрүстэргэ уу таһыма тахса турар. Билигин муус хардаҕына Уус Алдан уонна Нам улуустара ууга барар кутталлаахтар”, – диэн РФ Ыксаллаах быһыыга-майгыга министиэристибэтин Саха сиринээҕи салалтатын начаалынньыга Павел Гарин иһитиннэрдэ.

“Өрүстэргэ уу таһыма тахса турар. Билигин муус хардаҕына Уус Алдан уонна Нам улуустара ууга барар кутталлаахтар”, – диэн РФ Ыксаллаах быһыыга-майгыга министиэристибэтин Саха сиринээҕи салалтатын начаалынньыга Павел Гарин иһитиннэрдэ.

Билигин өрүстэргэ балаһыанньаны түөрт суһал бөлөх кэтээн көрө олорор. Ыам ыйын 17 күнүнээҕи туругунан, Өлүөнэ өрүс Өлүөхүмэ уонна Хаҥалас улуустарыгар уста сытар. Муус алын кытыыта Покровскайга тиийдэ. Үөһэ кытыыта Маача нэһилиэгиттэн 50 км аллараа сылдьар. Ыам ыйын 19-21 күннэригэр Өлүөнэ мууһа Алдан өрүс төрдүгэр тиийэрэ сабаҕаланар.

Алдан өрүс Уус Алдан улууһугар устар. Батамай аннынан уу таһыма 724 см тэҥнэһэр (кутталы үөскэтэр таһыма 1134 см). Биир эбэтэр икки күнүнэн муус өрүс төрдүгэр тиийэрэ күүтүллэр. Өскөтүн муус хардаҕына, Уус Алдан улууһун Кыллай, Чэриктэй, Дыгдал нэһилиэнньэлээх пууннара, Нам улууһун Арбын нэһилиэгэ ууга барыахтарын сөп.

Бүлүү өрүс мууһа Ньурбаҕа, Үөһээ Бүлүүгэ уонна Бүлүүгэ улуустарынан устар. Ыам ыйын 18-19 күннэригэр өрүс мууһа Өлүөнэҕэ киирэрэ сабаҕаланар.

Өлөөн өрүс хойуутук уста сытар. Муус 2-3 хонугунан өрүс алын тардыытыгар тиийэрэ билгэлэнэр. Дьааҥы уонна Сайдыы хайысхатынан Дьааҥы өрүскэ ырбыылар үөскүү тураллар. Ыам ыйын 18-21 күннэригэр өрүс хамсыыра күүтүллэр. Индигииркэҕэ муус ыам ыйын 17-18 күннэригэр эстэрэ сабаҕаланар.

РФ Ыксаллаах быһыыга-майгыга министиэристибэтин Саха сиринээҕи салалтатын матырыйаалынан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ