Билиҥҥитэ улууска 5 ойуур баһаара умайа турар. Октябрьскай нэһилиэк Ньыла учаастагар 45 галаах уонна Мүлтүк ферматыгар 25 галаах, Ньурбачааҥҥа 32 галаах, Хорулаҕа 25 галаах уонна Күндээдэҕэ 16 галаах учаастактар умайа сыталлар.
Бэҕэһээҥҥи туругунан, Күндээдэҕэ 2 галаах, Таркаайыга 25 галаах, Ньурбачааҥҥа 25 галаах ойуур баһаардарын төгүрүйбүттэр.
Ньурбачаан нэһилиэгин Көрдүгэн учаастагар 3 галаах уонна Моойук учаастагар 4 галаах баһаардары умулларбыттар.
Улууска ойуур баһаардарын утары 160 киһи, 6 тыраахтар, 5 водовоз уонна 11 УАЗ массыына үлэлии сылдьаллар.
Баһаардар сүрүн төрүөттэринэн дьон ойуурга сэрэҕэ суох сылдьыыта буолбут. Онон улууска ыам ыйын 15 күнүттэн ойуурга тахсыы бобуллубут.
Саха сирин олохтоохторун ойуурга сэрэхтээх буолалларыгар ыҥарабыт. Бөххүтүн хомуйа, уоккутун умуллара сылдьыҥ!
- 0
- 0
- 0
- 0
- 0
- 0