Мунньахха иһитиннэрбиттэринэн, баһаары умулларыыга көтөр ааллары туһаныы күүһүрдүллүбүт. Сунтаар улууһугар РФ ЫБМ БЕ-200 сөмөлүөтэ үлэлиир, Ньурба улууһугар РФ ЫБМ Ми-8 бөртөлүөтэ ууну ыһан, ойуур баһаарын умулларар. Үөһээ Бүлүүгэ «Полярные авиалинии» Ми-8 бөртөлүөтэ тиийбит. Атын улуустарга «Авиалесохрана» СӨ тэрилтэтин үлэһиттэрэ кэтээн көрүү үлэтин ыыталлар.
Бэс ыйын 6 күнүнээҕи туругунан, Сунтаарга, Үөһээ Халымаҕа уонна Орто Халымаҕа 4-с кылаастаах ойуур баһаарын куттала үөскээбит, оттон атын сирдэргэ -- 2-с, 3-с кылаас баһаар.
СӨ Бырабыыталыстыбата инновацияҕа министиэристибэтигэр баһаарга быстыбыт интернет ситимин суотабай оператордары кытары көмөлөөн чөлүгэр түһэрэллэригэр сорудах биэрбит.
Баһаар туран, Бүлүү, Үөһээ Бүлүү уонна Ньурба улуустарын тоҕус нэһилиэнньэлээх пуунугар электрическэй ситим быстыбыт. ОДьКХ уонна энергетика министиэрситибэтигэр бу сэлиэнньэлэргэ электрическэй уоту чөлүгэр түһэрэллэригэр сорудах бэриллибит.
Ньурба улууһугар Ньурбачаан уонна Түмүк нэһилиэгин таһыгар турбут баһаары 65 туонна ууну бөртөлүөтүнэн кутан умулларбыттар. Сунтаар улууһугар 2 ойуур баһаарын умулларбыттар. Оттон Өлүөхүмэ уонна Нерюнгри оройуоннарыгар икки ойуур баһаара турбут.
-
0
-
0
-
0
-
0
-
0
-
0
