СӨ Бырабыыталыстыбатын бэрэссэдээтэлэ Андрей Тарасенко салайааччылаах суһал ыстаап мунньаҕар Бүлүү бөлөх, илин эҥээр, киин улуустарга турбут ойуур баһаардарын кытары охсуһуу миэрэлэрин билиһиннэрдилэр. Бэс ыйын 10 күнүнээҕи туругунан баһаардар нэһилиэнньэлээх пууннарга киирэр куталлара суоһаабат.

Күн-дьыл туругуттан көрөн, салгыы уот тарҕанарын бохсон, дэлби тэптэрии үлэтэ ыытылларын туһунан иһитиннэрдилэр. Ол курдук, Сунтаарга уонна Уус Маайаҕа икки баһаары умуорурбуттар. Билигин Сунтаар Тумул нэһилиэгэр чугаһаабыт баһаары «Авиалесоохрана» үлэһиттэрэ уонна олохтоох дьон умуруораллар. Ньурбаҕа 3 туочуканан умайар баһаары утары охсуһаллар, Үөһээ Бүлүүгэ – 2, Бүлүүгэ – 1. Ону таһынан Кэбээйигэ, Хаҥаласка. Томпоҕо, Ленскэйгэ, Нерюнгрига ойуур баһаардара бэлиэтэнэллэр.

Хаандыгаҕа чугаһаабыт уоту хонтуруолга ылбыттар. Суһал ыстаапка иһитиннэрбиттэринэн, нэһилиэнньэлээх пууҥҥа куттал суох. Билигин онно турбут ойуур баһаарын умуруорааһыҥҥа 165 киһи уонна 15 тиэхиньикэ үлэлииллэр.